განათლების, მეცნიერების, კულტურისა და სპორტის მინისტრი მიხეილ ბატიაშვილი თანამდებობიდან გადადგა.
„ჩემი გადადგომის მიზეზი არის პირადი და დიდ იმედს გამოვთქვამ, ამას არ მოყვება დამატებითი პოლიტიკური სპეკულაციები.“ - განაცხადა ყოფილმა მინისტრმა
მთავრობის სხდომის დასრულების შემდეგ ბატიაშვილი ჟურნალისტებს ესაუბრა და „ქართულ ოცნებასთან“ ერთად მის მიერ გატარებული რეფორმები დეტალურად განიხილა.
„ამ პერიოდის განმავლობაში გვქონდა მრავალი უპრეცენდენტო მიღწევა სპორტის მიმართულებით, დავიწყეთ ცვლილებები კულტურის სფეროში, რაც აუცილებლად საჭიროებს გაძლიერებას, ხოლო განათლების სისტემაში მოხდა ძირეული გარდატეხა. ეს არის „ქართული ოცების“ უდიდესი მიღწევა.“ - ამბობს მიხეილ ბატიაშვილი
ყოფილი მინისტრი მიიჩნევს, რომ მისი თანამდებობის დატოვება ხელს არ შეუშლის განვითარების პროცესს და მადლობას უხდის პრემიერ-მინისტრს მხარდაჭერისთვის.
ჩვენს ხელთ არსებული ინფორმაციით, განათლების, მეცნიერების, კულტურისა და სპორტის ახალ მინისტრად მაია მიმინოშვილის კანდიდატურაც განიხილება.
ასევე, განათლების კომიტეტის წევრმა თემურ ჭკუასელმა ჟურნალისტებთან საუბრისას ახსენა, რომ შესაძლოა სამინისტროს გამოეყოს კულტურის მიმართულება, ხოლო მის სავარაუდო მინისტრად ბადრი მაისურაძე დაასახელა.
