-
2014-12-10 02:37
სენაკის საკრებულოს წევრი ინგა ქარდავა ყოფილ პრემიერ–მინიტრს, ბიძინა ივანიშვლის ღია წერილით მიმართავს. მის წერილს "თაიმერი" აქვეყნებს.
საკრებულოს დეპუტატი ივანიშვილს სთხოვს, უშუამდგომლოს პროკურატურასთან, რათა მოხდეს სენაკის გამგებელის, პარტიის “ქართული ოცნება–დემოკრატიული საქართველოს რაიონული ორგანიზაციის თავმჯდომარის მოვალეობის შემსრულებელის გოჩა დგებუაძის საქმიანობის დაუყოვნებლივ შესწავლა:
„ბატონო ბიძინა, დაეკითხეთ თქვენი ოჯახის წევრების მეგობრებს, ვინც გყავთ სენაკში, თუ რა დღეშია სენაკის გამგებელი. სენაკის გამგებელმა ერთ–ერთ რესტორანში ყოფნისას კიდევაც დაიტრაბახა "მე ხელს ვერავინ მახლებსო", რადგან სამეგრელოს გუბერნატორთან კონტაქტზე მისმა ბიძამ გრიშა შონიამ გამიყვანაო. ისიც ილაპარაკა, თუ როგორ აყიდინა სამშენებლო კომპანია ”არქიმედეს” მფლობელ დემურ გადელიას ავტომობილი „X5“ ვინმე დათო ოდიშარიასგან სამეგრელოს გუბერნატორისთვის.
აღნიშნული მანქანა გუბერნატორის მძღოლმა ჩაიყვანა ზუგდიდში და გარკვეული პერიოდის განმავლობაში გუბერნიის წინ ეყენა. შეამოწმონ კამერები და ნათელი მოეფინება ყველაფერს. აღნიშნულ ავტომობილს ე.წ.”ხიმჩისტკაც” ჩაუტარდა. გამგებლის ნათქვამიდან ირკვევა ისიც, რომ ამ ტრანსპორტით გუბერნატორის ოჯახის წევრები სარგებლობენ. სენაკის გამგებელმა გოჩა დგებუაძემ ისიც კი განაცხადა, "აბა როგორ უნდოდა, გადელია ისე ხომ არ მიიღებდა ორი მილიონის ტენდერებსო"?!
დგებუაძე იმასაც აცხადებს, რომ გუბერნატორის სახლის მშენებლობაში თბილისში დიდი წვრილი აქვს შეტანილი - ჩემი და ჩემი ძმების კომპანიების „პრარაბები“ მუშაობდნენ შონიას სახლის მშენებლობაზეო. ბატონო ბიძინა, გთხოვთ გულისყურით მოეკიდოთ სენაკის ადგილობრივ მთავრობასა და გუბერნიას შორის ამ ნეპოტიზმსა და კრიმინალში გადასულ კავშირს და პროკურატურას დაავალოთ გამოიძიოს აღნიშნული ფაქტები"–წერს საკრებულოს წვრი ინგა ქარდავა.