გაფრინდა თუ არა 2008 წლის ომის შემდეგ, დევნილთა განთავსების დაწყებამდე, შიხიაშვილი პორტუგალიაში?

Image

„აგვისტოს ომის დასრულების შემდეგ, როცა ქალაქში, კონკრეტულად, თქვენს რაიონში დევნილების დროებითი განთავსება იწყებოდა, თქვენ პორტუგალიაში ბრძანდებოდით?!“- მიმართა სევდია უგრეხელიძემ საკრებულოს თავმჯდომარეს ირაკლი შიხიაშვილს.

 

სევდია უგრეხელიძის ამ რეპლიკასა და სეკითხვას მწვავე რეაქცია მოჰყვა თავად შიხიაშვილის მხრიდან. მან „რუსთავი 2“ ეთერიდან მოუწოდა ყველა იმ ადამიანს, რომელიც მასთან ერთად 2008 წელს, ომის დროს, ახალგორის სოფლებში იმყოფებოდა მისულიყვნენ და დამოწმებოდნენ მას.

 

მოგვიანებით, საკრებულოს თავმჯდომარემ ყოფილი თანაგუნდელი მამუკა ახვლედიანი გადაცემა ,,არჩევანის“ დარბაზში შენიშნა და სთხოვა დაედასტურებინა, რომ აგვისტოში ის იმყოფებოდა თბილისში.

 

მამუკა ახვლედიანმა შიხიაშვილს დაუდასტურა, რომ ის 11 თუ 12 აგვისტოს იყო თბილისში. თუმცა სევდია უგრეხელიძის განცხადებით, შიხიაშვილმა დატოვა თბილისი სწორედ მაშინ, როცა საკრებულოს თანამშრომლებმა რაიონები გადაინაწილეს და დევნილთა შეფარება დაიწყო.

 

შიხიაშვილის განცხადებით კი, მან თბილისი მხოლოდ 14 აგვისტოს დატოვა და ოჯახის წევრებთან ერთად საზღვარგარეთ გაემგზავრა, რადგან მძიმე ფსიქოლოგიური სტრესი ჰქონდა მიღებული.

 

„აფხაზეთის ხმამ“ მოიძია, რეალურად ესწრებოდა თუ არა ირაკლი შიხიაშვილი 2008 წლის ომის შემდეგ თბილისში დევნილთა განსახლების პროცესს. აღმოჩნდა, რომ სევდია უგრეხელიძემ გადაცემაში სიმართლე თქვა: შიხიაშვილი ოჯახთან ერთად სწორედ იმ დროს გაფრინდა პორტუგალიაში, როცა თბილისის რაიონების მიხედვით ომის შედეგად დევნილთა დროებითი განთავსების პროცესი დაიწყო.

 

სახალხო დამცველის შუალედურ მოხსენებაში 2008 წლის ომის შედეგებზე, რომელიც 223 გვერდს მოიცავს და 2008 წლის სექტემბერშია გამოქვეყნებული, თბილისში დევნილთა რეგისტრაციისა და აღრიცხვის, მათი განთავსების შესახებ შემდეგი ცნობა მოიპოვება:

 

„8 აგვისტოდან თბილისში ნათესავებს და ახლობლებს თავი შეაფარა ათასობით დევნილმა. 10 აგვისტოს საქართველოს პარლამენტისა და მერიის შენობებთან შეკრებილი დევნილები ხელისუფლებას სთხოვდნენ დახმარებას, რადგან იძულებით გადაადგილება დედაქალაქის მიმართულებით მოუხდა დაახლოებით 50 000 მდე პირს.

 

ლტოლვილთა და განსახლების სამინისტრომ საქართველოში არსებული საომარი მდგომარეობის გამო დაიწყო იძულებით გადაადგილებულ პირთა აღრიცხვა- რეგისტრაცია. ლტოლვილთა და განსახლების სამინისტროს რეგისტრაციის უზრუნველყოფის სამმართველოს უფროსის მოადგილის ლევან კოკაიას ინფორმაციით, სამინისტრომ 13 აგვისტოს დაიწყო იძულებით გადაადგილებულ პირთა აღრიცხვა, ხოლო 15 აგვისტოდან აღრიცხვა და რეგისტრაცია.

 

ლტოლვილთა და განსახლების სამინისტროს მონაცემების მიხედვით, 14 აგვისტოს აღრიცხული იყო 28 000-ზე მეტი იძულებით გადაადგილებული პირი და მოძიებული იქნა 268 დროებითი თავშესაფარი. სამინისტროს ოფიციალურ ვებ გვერდზე 15 აგვისტოს განთავსდა ინფორმაცია იმის შესახებ, რომ შეიცვალა დევნილთა რეგისტრაციის მისამართი და ამ ფუნქციის შესრულება დაევალა სამოქალაქო რეესტრის სააგენტოს“.

 

შეგახსენებთ, გადაცემა „არჩევანში“ თავად ირაკლი შიხიაშვილის მიერ გაკეთებული განცხადების თანახმად, ის ოჯახთან ერთად პორტუგალიაში 2008 წლის 14 აგვისტოს გაემგზავრა. იმ დროს ირაკლი შიხიაშვილი ისანი–სამგორის რაიონის გამგებლის მოადგილედ მუშაობდა.

თემასთან დაკავშირებული მასალები:
რედაქტორის რჩევით

საქართველოში კორონავირუსის შემთხვევათა რაოდენობა 162-მდე გაიზარდა

2020-04-04 23:56
საქართველოში კორონავირუსის შემთხვევათა რაოდენობა 162-მდე გაიზარდა.

როგორ გავიკეთოთ მანიკური სახლის პირობებში

2020-04-04 22:41
დღევანდელი მდგომარეობიდან გამომდინარე, სამწუხაროდ, სალონში სიარულს ვეღარ ვახერხებთ, მიუხედავად...

საქართველოში COVID-19-ით ინფიცირების კიდევ 2 ახალი შემთხვევა დადასტურდა

2020-04-04 21:01
საქართველოში კორონავირუსის კიდევ 2  ახალი შემთხვევა დაფიქსირდა. მთავრობის მიერ შექმნილ სპეციალურ...

წითელის ჯვრის საერთაშორისო ორგანიზაცია საქართველოს ცენტრალურ ხელისუფლებასა და თბილისის მერიას მადლობას უხდის

2020-04-04 20:58
„წითელი ჯვრისა და წითელი ნახევარმთვარის საზოგადოებების საერთაშორისო ორგანიზაციის სახელით,...
რჩეული ვიდეოები

104 წლის ამერიკელი ვეტერანი კორონავირუსისგან გამოჯანმრთელდა

2020-04-04 15:26
104 წლის ამერიკელი ვეტერანი კორონავირუსისგან გამოჯანმრთელდა.

თენგიზ ცერცვაძე: ჩემი სამუშაო კაბინეტი ბოქსირებულ განყოფილებაშია, მეხვეწებიან გადადიო, მაგრამ გამორიცხულია(ვიდეო)

2020-04-03 11:21
ამის შესახებ ინფექციური პათოლოგიის, შიდსისა და კლინიკური იმუნოლოგიის ცენტრის გენერალურმა...

ცნობილი სიმღერის, I Love Rock 'N' Roll ავტორი კორონავირუსით გარდაიცვალა

2020-03-30 14:17
კომპოზიტორი და მომღერალი, ალან მერილი 69 წლის ასაკში კორონავირუსით გარდაიცვალა.

მღვდელმა ნიუ-იორკი თვითმფრინავიდან აკურთხა( ვიდეო)

2020-03-27 16:10
წმინდა ლუისის ტაძრის კათოლიკე მღვდელმა, ხუან ბენიტესმა ნიუ-იორკი თვითმფრინავიდან აკურთხა. 

გამოკითხვა

2018 წელს ხელისუფლების საქმიანობას შევაფასებდი:

დადებითად - 33.3%
უარყოფითად - 50%
საშუალოდ - 16.7%
ხმების რაოდნობა: 6
ხმის მიცემა შეწყვეტილია !

ვალუტა

1
EUR
 - 
3.4134
0.0644
100
RUB
 - 
4.1072
0.0479
1
USD
 - 
3.1576
0.0237