-
2014-12-04 16:52
ყოფილი პრემიერი, მილიარდერი, არასამთავრობო ორგანიზაცია "მოქალაქის" დამფუძნებელი ბიძინა ივანიშვილი აცხადებს, რომ დოლარი მთელ მსოფლიოში გამყარდა და ამაში არაფერია საგანგაშო. ასე ეხმაურება იგი ლარის გაუფასურების ტენდენციას.
"ტაბულის" ჟურნალისტის კითხვაზე, მიუთითებს თუ არა მთავრობის ეკონომიკურ გუნდს არაეფექტურ მუშაობაზე, ლარის გაუფასურებასთან დაკავშირებით, ბიძინა ივანიშვილმა ასე უპასუხა:
"თქვენ გინდათ აჟიოტაჟი არაფრისგან. ეკონომიკა არის მყარი დღეს, ლარის კურსი მერყეობს, დოლარი მყარდება ბევრ სახელმწიფოში, მსგავსი ხდება საქართველოშიც. არის განმარტებები - ფინანსთა მინისტრმა გააკეთა, სხვებმაც გააკეთეს, ყველაფერი ნორმალურადაა, არაფერს არ ნიშნავს ცუდს. კარგად მუშაობს მთავრობა, ტყუილად ხარობს ტაბულა, თქვენდა სამწუხაროდ, კარგად მუშაობს".