2014-12-01 09:38

საპარლამენტო უმცირესობის წევრი, გიგი წერეთელი აცხადებს, რომ მოსმენების კანონზე პრეზიდენტის ვეტოს დაძლევით პარლამენტმა პრეზიდენტს ჭკუა ასწავლა.

„ამ გადაწყვეტილების შემდეგ, რომელიც რეალურად იყო პრეზიდენტისათვის ჭკუის სწავლება, რომ მან აღარ დაადოს აღარაფერს ვეტოს მომავლში, ხელისუფლებას შეუძლია ყველას მოუსმინოს, ყოველგვარი ლიმიტების გარეშე და ალბათ უკანონოდაც, თუ კი ამას გადაწყვეტს.

ყოველ შემთხვევაში, დღეს კანონი ამის საშუალებას იძლევა“, - განაცხადა გიგი წერეთელმა.