პარლამენტის მონაცემებით, მოსმენების კანონზე პრეზიდენტის ვეტოს დაძლევის სასარგებლოდ ხმის მიმცემ დეპუტატთა შორის არიან „ნაციონალური მოძრაობის“ წევრებიც, თუმცა, ოპოზიციური პარტია ზეწოლაზე საუბრობს, ერთი დეპუტატი კი დარბაზში საერთოდ არ იმყოფებოდა.
კობა სუბელიანმა, სამუელ პეტროსიანმა და გელა ბეჟუაშვილმა, ოფიციალური ინფორმაციით, ვეტოს დაძლევას მისცეს ხმა, თუმცა ცნობილი გახდა, რომ კობა სუბელიანი კენჭისყრის დროს ტავად არ იმყოფებოდა დარბაზში, ხოლო გოკა გაბაშვილი აცხადებს, რომ სამუელ პეტროსიანზე ზეწოლას ჰქონდა ადგილი შს სამინისტროს მხრიდან.
„ნაციონალური მოძრაობა“ ხმების გამოთხოვას ითხოვს, თუმცა, სავარაუდოდ, ეს არ მოხდება, რადგან თავად დეპუტატები, კობა სუბელიანის გარდა, ხმის გამოთხოვას არ ითხოვენ.
საპარლამენტო უმრავლესობის ლიდერის დავით საგანელიძის განცხადებით, ბესელია-ფოფხაძე-სესიაშვილის პროექტს მხარი დაუჭირეს ასევე ელისო ჩაფიძემ და ანი მიროტაძემ, რომლებიც პროექტს არ ეთანხმებოდნენ, მაგრამ „ბოლო დღეებში განვითარებულმა მოვლენებმა უფრო ღრმად ჩაახედა საკითხში და კონსულტაციის შედეგად აზრი შეიცვალეს“.
