აღნიშნული განცხადება ნუგზარ წიკლაურმა პლენარულ სხდომაზე გააკეთა და აღნიშნა, რომ მთავრობა ვერ ახერხებს საერთაშორისო კონსოლიდაციას რუსეთის წინააღმდეგ.
„დღეს, როდესაც მერკელმა განაცხადა ახალ სანქციებზე რუსეთის წინააღმდეგ საქართველო საერთოდ არ უხსენებია მიზეზთა შორის და ეს არის ღარიბაშვილის უსაგნო ბაქი-ბუქის შედეგი“, - განმარტა დეპუტატმა.
მისი თქმით, კიდევ უფრო სამარცხვინოა პრემიერის განცხადება, რომ მსოფლიო არ დაეხმაროს უკრაინას.
არასწორი პოლიტიკის გამო მთავრობა გააკრიტიკა „ნაციონალური მოძრაობის“ კიდევ ერთმა წევრმა გია ბარამიძემ.
მისი თქმით, პაატა ზაქარეიშვილის მიერ „რუსთავი 2“-ის პირდაპირ ეთერში გაკეთებული განცხადება იმის შესახებ, რომ რუსეთ-აფხაზეთის მიერ გაფორმებული ხელშეკრულებით საქართველოსთვის ბევრი რამ დადებითისკენ შეიცვალა, მოღალატური განცხადებაა და მოღალატური პოლიტიკის შედეგია.
