2014-11-20 15:12

კანდიდატურა, რომელსაც მე უნდა შევეცვალე, წინასწარ იყო შერჩეული,- ამის შესახებ საქართველოს თავდაცვის ყოფილმა მინისტრმა, ირაკლი ალასანიამ რადიო ,,თავისუფლებისათვის" მიცემულ ინტერვიუში განაცხადა. 

ალასანიას თქმით, მისი მარალჩინოსანი თანამშრომლების წინააღმდეგ დაწყებული საქმეები  დაგეგმილი და პოლიტიკურად მოტივირებული იყო,- ეს ეჭვი ალასანიას ბიძინა ივანიშვილის ბოლო ინტერვიუმ გაუჩინა. 

,,პრემიერ-მინისტრის ღრმა ცოდნამ ოპერატიული და საიდუმლო მასალების დეტალების, კიდევ უფრო გამიღრმავა ეჭვი, რომელიც ძალიან ბევრს აქვს საქართველოში და მის ფარგლებს გარეთ - მთელი ეს კამპანია არის პოლიტიკურად მოტივირებული, რომ დაისვაროს შესაძლო და პოტენციური პოლიტიკური კონკურენტი მომავალი არჩევნების პერიოდში. მათ იცოდნენ, რომ მე ვაპირებდი ყრილობის ჩატარებას.

ამასაც ვუკავშირებ სამართალდამცავი სტრუქტურის გააქტიურებას. მე არ მითქვამს, რომ ქვეყანამ გადაუხვია ევროატლანტიკური გზიდან, მე ვთქვი, რომ შეკითხვები არსებობს და შევიკრიბოთ პოლიტიკურ საბჭოზე და განვიხილოთ, მაგრამ ეს არ შედგა. აქედან გამომდინარე, მართლაც მგონია, რომ ეს ყველაფერი იყო წინასწარ დაგეგმილი, ისევე როგორც შერჩეული იყო კანდიდატურა, რომელსაც მე უნდა შევეცვალე, რადგან იმ წამსვე მოხდა ახალი კანდიდატურის დასახელება", - განაცხადა ალასანიამ.