2013-10-20 11:21

ძლიერმა შტორმმა, რომელიც ბათუმსა და ქობულეთში გადაუღებელმა წვიმამ გამოიწვია, აჭარის სანაპიროზე ქუჩები დატბორა.

პრობლემები, ძირითადად, ბათუმსა და ქობულეთში შეიქმნა. საგანგებო და გადაუდებელი სიტუაციების სამმართველოს თანამშრომლები მთელი ღამის განმავლობაში პატრულირებდნენ. განსაკუთრებული ზარალი არ არის და, ოფიციალური ინფორმაციით, უბედური შემთხვევები შტორმს არ მოჰყოლია.

აჭარის სამმართველოს თანამშრომლების განცხადებით, შტორმის სიმძლავრე ბათუმში 5, ხოლო ქობულეთში 6 ბალს აღწევდა. წვიმისა და ზღვის ღელვის შედეგად დაიტბორა ქუჩები და ქვეითად მოსიარულეთა ბილიკები, ზოგან გზის სავალ ნაწილზე ზღვის მიერ გამორიყული ნარჩენები ამოიყარა.

გუშინ დილის საათებიდან თითქმის მთელ დასავლეთ საქართველოში წვიმდა. სინოპტიკოსები ვარაუდობენ, რომ საქართველოში 21 ოქტომბრიდან გამოიდარებს.