გუშინ, ღამის ოთხ საათზე, სოციალურ ქსელ "ფეისბუქში" დედამ, ლალი ცინცაძემ გაავრცელა ინფორმაცია რომ მისი 22 წლის შვილი ნინო გვასალია დაიკარგა.
როგორც ლალი ცინცაძე აღნიშნავს, მისი შვილი 17 ოქტომბერს, დღის პირველ საათზე სახლიდან გავიდა, თუმცა ამ დრომდე არ გამოჩენილა.
ცინცაძე დახმარებას ითხოვს: „მეგობრებო, ნაცნობებო, უცნობებო, მიშველეთ, დამეხმარეთ, გააზიარეთ, გაავრცელეთ, მაპოვნინეთ ჩემი შვილი!!!! გუშინ, 17 ოქტომბერს, დღის პირველ საათზე გავიდა სახლიდან მარტო და ამ დრომდე არ ვიცით სად არის, - ნინო გვასალია, 22 წლის... თუ სადმე შეხვდებით ან უკვე ნახეთ, გთხოვთ სასწრაფოდ დამირეკოთ 599858858 ან 577463634 ნინოს აცვია მუქი ლურჯი, ბაიკის კაპიუშონკა და ყავისფერი ჯინსის შარვალი, შავი ფეხსაცმელი.
აქვს მხრებამდე შეჭრილი მუქი ფერის თმა... წითელი ნაჭრის ცარიელი ზურგჩანთით.... პირველი საათის მერე არაფერი ვიცით, ტელეფონი არ წაუღია, საერთოდ არაფერი წაუღია, მხოლოდ რაც ზედ აცვია“, - წერს ლალი ცინცაძე "ფეისბუქზე".
როგორც „ნიუპოსტთან“ საუბარში ლალი ცინცაძემ აღნიშნა, ოჯახმა ღამით განაცხადა სამართალდამცავ ორგანოში მისი შვილის დაკარგვის შესახებ, თუმცა სამართალდამცავები ძებნის დასაწყებად სამუშაო დღის დაწყებას, 10:00 საათს ელოდნენ:
„გუშინ დილის პირველ საათზე გავიდა, პრემიერის და ჟურნალისტების შეხვედრას ვუყურებდი, რომ ვკითხე სად მიდიხარ მეთქი, რეესტრშიო მიპასუხა, აღარ მიკითხავს რატომ მიდიოდა და გავაგრძელე ყურება.
სამი დღე ცუდ ხასიათზე იყო, გუშინ კი ადგა და ისე გავიდა არაფერი არ წაუღია. განვაცხადეთ, ოფიციალური ძებნა გამოვაცხადეთ, თუმცა ათ საათს ელოდებიან.
სამხატვრო აკადემიაში სწავლობს, მეოთხე კურსზეა, რეესტრში არაფერს მეუბნებიან, ოფიციალური ძებნა რომ გამოცხადდეს, დაკარგვიდან 12 სათი უნდა იყოს გასული, გავიდა უკვე 12 საათი“, - აღნიშნავს „ნიუპოსტთან“ საუბრისას ლალი ცინცაძე.
შინაგან საქმეთა სამინისტროს პრესსამსახურში დაადასტურეს, რომ მსგავსი განცხადება უწყებაში შესულია. სამართალდამცავებს აღნიშნული ინფორმაცია გადაცემული აქვთ და მიმდინარეობს სამძებრო სამუშაოები.