საპარლამენტო უმცირესობის წევრი გოგა ხაჩიძე მზადაა, სანაძლეო დადოს, რომ ინფრასტრუქტურის ახალ მინისტრს ელგუჯა ხოკრიშვილს ქართული დიპლომი ნაყიდი აქვს.
ამის შესახებ გოგა ხაჩიძე „ფეისბუქში“ წერს და სავარაუდოდ, ამ თემის წამოწევას სააღდგომოდ გათვალისწინებული გამოსასვლელი დღეების შემდეგ აპირებს:
„გინდათ სანაძლეოს ჩამოვალ, რომ ინფრასტრუქტურის ახალ მინისტრს - ელგუჯა ხოკრიშვილს, უცხოურზე თავს ვერ დავდებ, მაგრამ ქართული დიპლომი ნაყიდი აქვს.
იმაშიც დარწმუნებული ვარ, რომ თუ ამ სტატუსის შინაარსი ადრესატამდე მიაღწევს (არადა მიაღწევს), უსიამოვნოდ გააჟრჟოლებს ტანში...
ბატონო ელგუჯა, ჩიტმა ამბავი მომიტანა რომ...
ჩაიაროს აღდგომებმა..“, - წერს გარემოს დაცვის ყოფილი მინისტრი „ფეისბუქის“ საკუთარ გვერდზე.