„ნაციონალური მოძრაობა“ ჟვანიას საქმეზე ნდობის ჯგუფის შექმნას და საერთაშორისო სააგენტოების ჩართვას ითხოვს (ვიდეო)

Image

„ერთიანი ნაციონალური მოძრაობა“ ხელისუფლებას ზურაბ ჟვანიას სახელის უზნეოდ გამოყენებაში ადანაშაულებს და ნდობის ჯგუფის შექმნას, ასევე საერთაშორისო სააგენტოების ჩართვას ითხოვს, რათა გარდაცვლილი პრემიერის სახელით სპეკულაცია დასრულდეს.

 

დღევანდელ საგანგებო ბრიფინგზე მთავარი ოპოზიციური პარტიის პოზიცია გივი თარგამაძემ გაახმიანა:

 

„დღეს უკვე სრულიად ნათელია, რომ საქართველოს მთავრობამ და პირადად, ირაკლი ღარიბაშვილმა ბიძინა ივანიშვილის მითითებით, სრულიად უზნეოდ, კიდევ ერთხელ გამოიყენა ქვეყნის ლიდერისა და ჩვენი მეგობრის, ზურაბ ჟვანიას ტრაგიკული გარდაცვალების ფაქტი.

 

ამჯერად საქართველოს მთავრობამ, ამისათვის, გამოიყენა საქმის გამოძიების მასალებში არსებული ფოტო და ვიდეომასალის დამუშავებული კადრები, საზოგადოებაში აჟიოტაჟის შესაქმნელად, რათა დასკვნით სტადიაში გადასულიყო ცილისწამებისა და სპეკულაციის კამპანია და წინასწარ გაცხადებული ყალბი ვერსიის გარშემო მომხდარიყო მთელი საქმის ფაბრიკაცია. საქართველოს მთავარ პროკურატურაში საიმედოდ დაცული მასალა გავრცელდა ანონიმ ჰაკიმ ფაშას სახელით, სათაურით ,,სააკაშვილმა მოკლა ბ-ნი ჟვანია“

 

აღსანიშნავია, რომ ირაკლი ღარიბაშვილმა ჯერ კიდევ რამდენიმე თვის წინ, ზურაბ ჟვანიას დაცვის უფროსის, კობა ხარშილაძის სულ სხვა ყოფით, ეკონომიკურ საქმეზე ასევე უკანონო დაკავების შემდეგ ღიად განაცხადა, რომ დაკავება ჟვანიას საქმეს უკავშირდება.

 

ჰაკიმ ფაშას სახელით გავრცელებული კადრების შემდეგ, პროკურატურამ დააკავა ზურაბ ჟვანიას დაცვის ერთ-ერთი წევრი, მიხეილ ძაძამია და 2005 წლის თებერვალში ჩატარებული ექსპერტიზის ერთ–ერთი მონაწილე ლევან ჩაჩუა.

 

ექსპერტის დაკავება მოხდა ყველანაირი დამატებითი ექსპერტიზის გარეშე, მთავრობის მიერვე ანონიმურად ატვირთული კადრების საფუძველზე.

 

ირაკლი ღარიბაშვილის მიერ ღიად, საინფორმაციო საშუალებებით გამოცხადებული ვერსია არის პირდაპირი დავალება საგამოძიებო ორგანოებისადმი, თუ რა დასკვნა უნდა დადოს პროკურატურამ; კერძოდ, პრემიერ–მინისტრმა ღიად განაცხადა, რომ ზურაბ ჟვანია მოკლულია და ამაში, სავარაუდოდ, დამნაშავე მიხეილ სააკაშვილია.

 

მიუხედავად იმისა, რომ ზედაპირზე დევს მთელი ამ ამაზრზენი აჟიოტაჟის პოლიტიკური სარჩული და ივანიშვილ - ღარიბაშვილის ჩანაფიქრი, მიუხედავად ჩვენი არაერთგზის საჯარო მოთხოვნისა, მომხდარიყო მასალების განსაჯაროება, როგორც ჩანს, ხელისუფლება ამისათვის მზად არ არის და იმისათვის, რომ დასრულდეს ზურაბ ჟვანიას საქმის გარშემო საზოგადოებაში არსებული სპეკულაცია, აუცილებლად მიგვაჩნია:

 

- შეიქმნას სპეციალური ნდობის ჯგუფი, სადაც შევლენ სხვადასხვა პოლიტიკური ჯგუფების, ადგილობრივი და საერთაშორისო არასამთავრობო ორგანიზაციების წარმომადგენლები, ექსპერტები;

 

- ამ მიზნით სპეციალურად შექმნილ ჯგუფს, სრულად გაეცნოს როგორც თავდაპირველი, ასევე ხელახალი გამოძიების ყველა მასალა;

 

- ამავე ჯგუფს გაეცნოს აქამდე არგასაჯოროებული ყველა მასალა, ამერიკის საგამოძიებო ფედერალური სააგენტოს ყველა დასკვნის ჩათვლით;

 

- ამავე ჯგუფს გაეცნოს გამოძიებაში არსებული თავდაპირველი ექსპერტიზის სრული ვიდეომასალა;

 

- ამავე ჯგუფის წარმომადგენლებს მიეცეთ საშუალება, შეხვდნენ საქმეზე დაკავებულ პირებს, რათა გამოირიცხოს მათზე ზეწოლა;

 

- ყველა საგამოძიებო მოქმედება, მათ შორის, ექსგუმაცია, განხორციელდეს ამ ჯგუფის სრული ინფორმირებით, სრული ფიქსაციით ვიდეო და აუდიო მატარებლებზე, რათა გამოირიცხოს ფაბრიკაციის შესაძლებლობები ხელახალი ექსპერტიზისა და ექსგუმაციისას;

 

- ყველა ხელახალი ექსპერტიზა ჩატარდეს საერთაშორისოდ აღიარებული სააგენტოების მიერ, რათა გამოირიცხოს მთავრობის ზეწოლა ხელახალ ექსპერტიზაზე.

 

დარწმუნებული ვართ, რომ მხოლოდ სიმართლე დაასრულებს საჯარო სპეკულაციებს და საზოგადოებას მისცემს საშუალებას მეტი იმსჯელოს ზურაბ ჟვანიას უნიკალურ მემკვიდრეობაზე საქართველოს წინაშე, ბინძური ჭორების ნაცვლად“, - ნათქვამია „ნაციონალური მოძრაობის“ განცხადებაში. 

რედაქტორის რჩევით

თბილისში საახალწლო განათებების მონტაჟის გამო მოძრაობა შეიზღუდება

2019-11-11 18:44
თბილისის მერიამ დედაქალაქში საახალწლო განათებების დამონტაჟება დაიწყო.

შსს-მ ფილმში "და ჩვენ ვიცეკვეთ" პორნოგრაფიული კონტენტი ვერ აღმოაჩინა

2019-11-11 17:51
პრიმაკოვის ფონდის ხელმძღვანელის, დიმიტრი ლორთქიფანიძის სარჩელი შინაგან საქმეთა სამინისტრომ არ...

ჯონ ბონ ჯოვის საქველმოქმედო რესტორანთა სია იზრდება

2019-11-11 17:36
„კეთილი იყოს თქვენი მობრძანება ჩვენს სუფრაზე“  - ეს ფრაზა ჯონ ბონ ჯოვის რესტორნის დევიზი გახდა.

აფხაზეთი იწვის

2019-11-11 13:09
აფხაზეთი იწვის.
რჩეული ვიდეოები

„soul” - ახალი გულში ჩამწვდომი ანიმაცია Pixar-ისგან

2019-11-11 13:30
„სული“ - ასე ქვია Pixar-ის ახალ შემოქედებას, რომელიც მაყურებელში მძაფრ ემოციებს გამოიწვევს.

"მედიაფოკუსი მშვიდობაზე" - პირველი გადაცემა

2018-09-23 19:03
‘’სამოქალაქო განვითარების საერთაშორისო ქსელმა’’ (INCD) 2018 წლის 1 აგვისტოს კანადის მთავრობის...

ნათელაშვილი: სადაც გაგიჭირდებათ, ყველგან გუგავა მოვა...

2017-09-14 16:31
საქართველოს მთავარმა ლეიბორისტმა დღეს თბილისის მერობის კანდიდატად გიორგი გუგავა წარადგინა და...

ხუხაშვილი: სააკაშვილი კრიზისების ლიდერია, პოროშენკომ გაიჩალიჩა(ვიდეო)

2017-09-14 13:56
"მიხეილ სააკაშვილი კრიზისული ლიდერია, მთელი მისი ბიოგრაფია ამას ცხადყოფს, ასე რომ, პოროშენკომ...

გამოკითხვა

2018 წელს ხელისუფლების საქმიანობას შევაფასებდი:

დადებითად - 33.3%
უარყოფითად - 50%
საშუალოდ - 16.7%
ხმების რაოდნობა: 6
ხმის მიცემა შეწყვეტილია !

ვალუტა

1
EUR
 - 
3.2697
0.0010
100
RUB
 - 
4.6355
0.0031
1
USD
 - 
2.9633
0.0020

გუშინ:

ჰიტები:562 უნიკალური:444

მიმდინარე:

ჰიტები:90 უნიკალური:74