2014-03-21 16:36

National Geographic რუკებზე ყირიმს რუსეთის ტერიტორიად არ ასახავს. ამის შესახებ ინფორმაციას უკრაინაში რედაქციის წარმომადგენელი დიმიტრი გუბენკო ავრცელებს.

მისი განცხადებით National Geographic-ის მთავარი რედაქცია მხარს არ უჭერს რუსეთის მიერ ყირიმის ანექსიას და შესაბამისად, არსებულ რუკებს არ შეცვლის.

„National Geographic თვალყურს ადევნებს უკრაინაში მიმდინარე მოვლენებს, გმობს Bloomberg-ის მიერ გავრცელებულ ინფორმაციას იმასთან დაკავშირებით, რომ ჩვენმა კომპანიამ შესაძლოა ყირიმი რუსეთის ტერიტორიად აღიაროს“, - წერს „ფეისბუქის“ საკუთარ გვერდზე გუბენკო.