2014-03-18 14:56

რუსლან შამახია, რომელიც კუდ-ის ერთერთი რეგიონალური სამმართველოს უფროსად 201 წლის ივნისამდე, დაკავებამდე მუშაობდა, სასამართლომ უდანაშაულოდ სცნო და დარბაზიდანვე გაათავისუფლა.

სასამართლო პროცესი ე.წ. სამეგრელოს სამალავების თემაზე ჩატარდა, სადაც, გამოძიების ინფორმაციით, პირადი ცხოვრების ამსახველი ვიდეო-აუდიო ფაილები, ასევე დიდი რაოდენობით ცეცხლსასროლი იარაღი ინახებოდა. ამ ეპიზოდზე სასამართლომ დაუსწრებლად შეუფარდა 9 წლით თავისუფლების აღკვეთა მეგის ქარდავას, რომელიც საქართველოში არ იმყოფება.

ამავე საქმეზე დავით ჩაგინავას 9 წელი, ირაკლი ახალაიას 2 წელი და 3 თვე, კოხტა კოდუა 9 წელი, გურამ ჭითანავა 6 წელი, კობა თოდუა 9 წელი, გიორგი ბულუას 6 წელი, თემურ უბირიას 7 წელი და 6 თვე, პაატა ქირიას 6 წლით თავისუფლების აღკვეთა მიესაჯათ.