![Image](/images/thumbs/f738bf42edd138e49af51fc6e87c7808_fulltext.jpg)
მომღერალმა, ნინო ჩხეიძემ და დუეტმა „ლეონმა“ მსმენელს ერთოლივი ნამუშევარი შესთავაზეს. მედიკო კარტოზიას სიმღერა - „ დრო მიდის“ მომღერლების რიგით პირველი დუეტია.
როგორც დუეტ „ლეონის“ სოლისტი, ლევან წვერავა ამბობს, მათი თანამშრომლობა მომავალშიც შეიძლება გაგრძელდეს.
ლევან წვერავა:
- დიდი ხანია ჩვენ და ნინო ვმეგობრობთ და გვქონდა ჩანაფიქრში ერთობლივი საინტერესო ნამუშევარი შეგვეთავაზებინა ჩვენი მსმენელისთვის. ეს არის მედიკო კარტოზიას სიმღერა „დრო მიდის“, რომელიც დარწმუნებული ვარ, ძალიან დადებით შეფასებას მიიღებს.
მომავალში აპირებთ თუ არა ნინოსთან დუეტის ჩაწერას?
- არ არის გამორიცხული, რაღაც იდეები უკვე მიტრიალებს თავში.
ნინი კენჭიაშვილი:
- ნინო იმდენად კომფორტული და კარგი ადამიანია, დიდი სურვილი მაქვს ჩვენი დუეტები გაგრძელდეს.
რაც შეეხება ნინო ჩხეიძის შეფასებას, როგორც მომღერალი ამბობს, დიდი იმედი აქვს, რომ მათი ერთობლივი ნამუშევარი გახდება 2024 წლის ჰიტი.
სიმღერის “დრო მიდის“ მოსმენა შეგიძლიათ რადიო „დარდიმანდისა“ და რადიო „აფხაზეთის ხმის“ ეთერში, ხოლო სატელევიზიო პრემიერა შედგება შაბათს, 25 მაისს რუსთავი 2-ზე გადაცემაში „გული მღერის“ .