
პოეტი გელა დაიაური თავის უფროს, გარდაცვლილ შვილს, სოციალურ ქსელში დაბადების დღეს ულოცავს.
“ვერც ერთხელ ვერ მოვახერხე ჩემი ტკივილის და მონატრების გამოხატვა სიტყვებით, იმდენად დიდი და მძიმეა ეს ყველაფერი… სიტყვებს ძალა არ ყოფნით ჩემი თქვენდამი მონატრების გამოსახატავად, მამის კაცო…
უბრალოდ, გილოცავ დაბადების დღეს. დემეტრე, შვილოო … ალბათ, ასე აჯობებს… დედა ღვთისა გფარავდეთ” – წერს გელა დაიაური.
2010 წლის 22 ივლისს მთელი საქართველო შეძრა და დაამწუხრა მუცოს ხეობაში დატრიალებულმა ტრაგედიამ - "ჯიპის" მარკის ავტომობილი, სადაც 10 ადამიანი იჯდა, გზიდან გადავარდა, ავტოკატასტროფამ 7 ადამიანის, მათ შორის - 3 მცირეწლოვანი ბავშვის სიცოცხლე იმსხვერპლა.სწორედ ამ ავარიის შედეგად დაიღუპა გელა დაიაურის მეულე თეონა ქუმსიაშვილი და მათი ორი ვაჟი.