-
2022-05-23 15:44
მომღერალი ნოდიკო ტატიშვილი ჟურნალ "გზასთან" ინტერვიუში ჩაცმულობასთან დაკავშირებით საუბრობს.
როგორც მომღერალი ამბობს, ამერიკასა და ევროპაში მოგზაურობამ მისი დამოკიდებულება შეცვალა ჩაცმულობის მიმართ .
"ძალიან კარგად მახსოვს, 2010 წელს მე და ვაჟა მანია ერთად ვიმყოფებოდით საფრანგეთში, ვაჟა - ელ ჯეროს კონცერტზე, მე - სტივ უანდერის... პარიზში პირველად მივდიოდი და დიდ მზადებაში ვიყავი. რაც საუკეთესო ბრენდის სამოსი მქონდა, ყველაფერი წავიღე: დოლჩე და გაბანას ბოტასი, ზენიას შარვალი, სიქეის ზედა (იცინის). მეგონა პარიზში ყველა ბრენდებით დადიოდა, მაგრამ იქ ძალიან უბრალო და პრაქტიკული ხალხია. გაგანია ივლისში მე და ვაჟიკოს გვეცვა გამოწკეპილი სამოსი და პარიზელები „შლოპანცებით", მოკლე შარვლებით, ძალიან უბრალო მაისურებით დადიოდნენ... ჩვენს სამოსში ძალიან დაგვცხა, სერიოზული დისკომფორტი შეგვიქმნა და იქვე ერთ-ერთ მაღაზიაში შევედით, ორ ევროდ ვიყიდეთ "შლოპანცი", შორტებიც ძალიან იაფად, ათ ევროდ ზედა და უკვე გარემოს შესაფერისად ჩაცმულები ვიყავით...
ევროპაც ეგ არის, - თავისუფლება, კომფორტი და სიამოვნება. არა ის, რომ ვინმეს დაანახვო, რა გაცვია. ევროპა და ამერიკა ჩემთვის თავისუფლების ფლაგმანია."