-
2021-06-24 16:36
გია ჯაჯანიძე სოციალურ ქსელ "ინსტაგრამზე" მორიგ პოსტს აქვეყნებს და გულშემატკივრებს კვლავ რჩევით მიმართავს.
"ადამიანისთვის ბევრი რამ მტკივნეულია, მაგრამ სასარგებლო სიცოცხლისთვის. მაგალითად ნემსის გაკეთება, ქირურგიული ოპერაციები, გულის შეცვლაც კი. ასევე მწარეა სულის ტკივილი. მტკივნეულია სიმართლე, რომლის მოსმენაც არ გვინდა. ვიცით, ჯანმრთელობისთვის რა არის ცუდი და რა არა. ვიცით, ბედნიერებისთვის რა არის კარგი და რა არა.
მიუხედავად ამისა, ადამიანს არ შესწევს უნარი აირჩიოს ის გზა, რომელიც მას ბოლომდე გააბედნიერებს.
ადამიანმა ვერ ისწავლა საკუთარი თავის, სხეულის, სულის იმ დონეზე შეყვარება, რომ გაუფრთხილდეს სიცოცხლეს.
ადამიანმა ვერ ისწავლა სწორად ფიქრი, რომ არ ავნოს თავის თავს, ნერვებს, სხეულს.
ადამიანმა ვერ ისწავლა ადამიანის სიყვარული და სხვისი წარმატების სიხარული.
რამდენადაც გასაკვირი უნდა იყოს, ახლოს ვიცნობ ადამიანებს, ვინც ბევრი მიზეზის გამო წარმატებას ვერ მიაღწია, როგორც პირადში, ასევე კარიერაში, მაგრამ სხვისი წარმატება, სხვისი სიხარული უხარიათ.
თუ შენში დიდი სიყვარულია, შენ ადვილად პატიებ ადამიანებს, სიყვარულის ძალით შეგიძლია მართო შენი ემოციები, სიყვარულის ძალით შენ შეგიძლია მიაღწიო ჰარმონიას.
სიყვარული თანდაყოლილია. შეიძლება სწავლაც.
თუ, როგორ უნდა გამოიმუშაო საკუთარ თავში სიყვარული, თუ როგორ დაძლიო შიში ცხოვრებისა, თუ როგორ უნდა გიხაროდეს, როგორ უნდა იყო ბედნიერი, მიაღწიო წარმატებას და ჰარმონიას, თან შეირგო, იხილავთ ჩემს წიგნში, რომელიც მალე გამოვა." - განაცხადა გია ჯაჯანიძემ.