-
2021-06-24 13:23
ხატია სიჭინავა "ინსტაგრამის" გამომწერებს სიახლეებით ხშირად ანებივრებს და სხვადასხვა ისტორიასაც უყვება. ცოტა ხნის წინ მან ემოციური ისტორია გაიხსენა, რომელიც ქართველი და აზერბაიჯანელი დედის მეგობრობაზეა.
"სანამ ასეთი ადამიანები არსებობენ, დედამიწას გადაშენება არ უწერია !!
კლინიკა "კანი" ს გლდანის ფილიალში 2 ქალბატონი მოვიდა. აღმოჩნდა, რომ ორივე ონკო პაციენტი ბავშვების დედები იყვნენ.გვერდიგვერდ პალატაში. ერთი ქართველი იყო, მეორე აზერბაიჯანელი, რომელმაც ქართული არ იცოდა. ქართველმა დედამ, რომლის შვილიც იმ დროისთვის ქიმიო თერაპიაზე იყო შეყვანილი, მოიყვანა მეზობელი პალატის დედა, რომელსაც საკმაოდ
გართულებული , ჩირქოვანი გამონაყარი ქონდა და ტანჯავდა. ვინაიდან მეზობელმა ქართული და თბილისი ცუდად იცოდა, თვითონ ჩაწერა კლინიკაში, თვითონ მოიყვანა, გადაუხადა და უკან წაიყვანა საავადმყოფოში. ქართველი დედა, ჩემთვის ყოველთვის ბრძოლასთან და სიძლიერესთან ასოცირდება. არ ვიცი ვინ იყო, მაგრამ მინდა მთელი გულით, მალე გამოჯანმრთელება ვუსურვო პატარებს, და სანამ თქვენნაირი ადამიანები არსებობენ, სანამ ადამიანების უანგარო სიყვარული არსებობს, გადავრჩებით. ღმერთმა წყალობა არ მოგაკლოთ ორივეს და სრულიად საქართველოს დედებს", - წერს ხატია სოციალურ ქსელში.