გია ჯაჯანიძე სოციალურ ქსელში მორიგ პოსტს აქვეყნებს, რომლითაც გულშემატკივრებს მიმართავს და თავის გამოცდილებას უზიარებს.
"როცა, ადამიანთან მიზანმიმართულად სხვას ლანძღავ და ენა მიგაქვს, ალბათ დამეთანხმები, რომ ბოროტი ხარ. მესმის, აღიარება რთულია. როცა ადამიანს ენა მოაქვს და შენ გჯერა, იფიქრე რა მიზანს ემსახურება ამბის მომტანის გარჯა.
ზურგს უკან, მშიშარა, შურიანი, ეჭვიანი და არაჯანსაღად მოაზროვნე ადამიანები საუბრობენ, რომლებიც ვერაფრით ვერ ხვდებიან, რატომ არიან ცუდად და რატომ არ უმართლებთ.
ვერასოდეს მოიპოვებ იმას, რაც შენი არ არის.
ვერასოდეს ვერ წაართმევ სხვას, რაც შენ გინდა და არ მოგეცა.
აუცილებლად წაგერთმევა ის, რაც ძალით, ტყულით და მზაკვრობით მოიპოვე.
თუ სიცოცხლე გინდა და თუ სიცოცხლე გიყვარს, გაუფრთხილდი და ნუ ატკენ სხვას.
შენი მომავალი ცხოვრება, შენი ფიქრის, აზროვნების, დამოკიდებულების და საქციელის შედეგი იქნება.
ჩვენ ყველანი თანაბარნი ვართ, მიუხედავად სტატუსისა, სქესისა, მატერიალური მდგომარეობისა, ნიჭისა და გარეგნობისა. შეეჯიბრე საკუთარ თავს, მოერიე შენში უარყოფითს.
ხშირად ამბობენ: მე შენ ვინ გგონივარ?
- არავინ არ მგონიხარ, ჩვეულებრივი მოკვდავი ხარ ჩემსავით. კენჭი ხარ და მტვრად იქცევი ჩემსავით.
მხოლოდ ერთია ჩვენს შორის განსხვავება, მე ბედნიერი ვარ, იმიტომ, რომ ვჯერდები იმას რაც მომეცა.
მომბაძე, ბედნიერი იქნები.
მე ბედნიერს მივბაძე და ბედნიერი გავხდი.
გილოცავ.
გიორგი ჯაჯანიძე." - წერს "ინსტაგრამზე" ტელეწამყვანი გია ჯაჯანიძე.
