ბაჩო ახალაიასა და სხვა ბრალდებულების სასამართლო პროცესზე მოწმეები სკანდალურ ფაქტებზე ალაპარაკდნენ და აღნიშნავენ, რომ ჩვენებებს გარკვეული დაპირებებით აწერინებდნენ.
საქმის ერთ ერთი მოწმის კაკაშვილის განცხადებით მას პროკურორმა სხვა მოაწმეების გეგიასა და კალატოზის ჩვენებები წააკითხა და აიძულებდა გამოძიებისათვის იდენტური ჩვენება მიეცა.
მოწმეებმა მთავარი პროკურატურა და თავდაცვის სამინსიტროს მაღალჩინოსნები ზეწოლაში დაადანაშაულეს. სენაკის სამხედრო ნაწილის ჯარისკაცმა ზვიად გაგუამ დღევანდელ სხდომაზე ბრალდებები თავდაცვის სამინსიტროს მაღალჩინოსანს ვლადიმერ ჩაჩიბაიას წაუყენა: "მე დაკითხვის დროს ჩაჩიბაიამ მითხრა, დაადე ხელი ახალაიას და კალანდაძეს და მოწმე იქნები, თუ არა და ბრალდებულიო, რაც შემისრულეს კიდეც და დამაკავეს, გირაოთი გამომიშვეს, შემდეგ პროკურორმა ლორიამ მითხრა, თუ ბაჩოს და გიგის დავადებდი ხელს, გირაოს თანხაც დამიბრუნდებოდა და სამსახურშიც დამბრუნებდნენ", - თქვა გაგუამ.
ჩვენების გაყალბებაზე ისაუბრა კიდევ ერთმა ჯარისკაცმა, მოწმე რომან ჯანჯულიამ: "როდესაც მე დამკითხეს და ხელმოსაწერად მომცეს ჩვენება, აღმოჩნდა, რომ სულ სხვა რაღაცეები ჰქონდა ჩაწერილი გამომძიებელს და არა ის, რასაც მე ვკარნახობდი, უნდოდათ რომ ახალაიას წინააღმდეგ მიმეცა ჩვენება, მაგრამ ხელი არ მოვუწერე და ჩვენება გადავხიე" - განაცხადა სასამართლოს სხდომაზე დაკითხვისას ჯანჯულიამ.
