2021-03-02 14:20

ამ ინფორმაციის შესახებ აშშ-ის დაავადებათა კონტროლისა და პრევენციის ცენტრის ხელმძღვანელმა როშელ ვალენსკიმ განაცხადა.

”გთხოვთ, გარკვევით მომისმინოთ: შემთხვევების ამ რაოდენობით და ახალი ვარიანტების გავრცელების გამო, შესაძლოა, დიდი შრომის შედეგად მიღწეული მონაპოვარი დავკარგოთ. ეს ვარიანტები ძალიან რეალური საფრთხეა ჩვენი ხალხისა და ჩვენს მიერ მიღწეული პროგრესისთვის,“ - განაცხადა როშელ ვალენსკიმ.

მისი თქმით, „პოტენციური მეოთხე ტალღის“ თავიდან ასაცილებლად აუცილებელია კორონავირუსთან დაკავშირებით დაწესებული უსაფრთხოების ზომების დაცვა.

„ახლა არ არის უსაფრთხოების იმ მნიშვნელოვანი ზომების შესუსტების დრო, რომელსაც კოვიდ 19-ის გავრცელების შეჩერება შეუძლია. ჩვენ გვაქვს შესაძლებლობა, შევაჩეროთ პოტენციური მეოთხე ტალღა ამ ქვეყანაში,“- აღნიშნა დაავადებათა კონტროლისა და პრევენციის ცენტრის ხელმძღვანელმა.