2020-05-09 11:51

ბრიტანეთის დედოფალმა, ელიზაბეთ მეორემ მეორე მსოფლიო ომში გამარჯვების 75-ე წლისთავთან დაკავშირებით მოსახლეობას ტელევიზიით მიმართა.

“თავდაპირველად გაურკვეველი, შორი და მღელვარე დასასრული ჩანდა, მაგრამ ჩვენ გვწამდა და ეს სწორიც იყო, როგორც მამაჩემმა განაცხადა, სწორედ ამ რწმენამ გაგვაძლებინა. არასდროს დანებდეთ, არასდროს მიეცეთ სასოწარკვეთას - ეს იყო გამარჯვების დღის გზავნილი“,- აღნიშნა 94 წლის მონარქმა.

მისივე თქმით, დღეს ბრიტანეთი ამ დღესასწაულს ცარიელი ქუჩებით აღნიშნავს, თუმცა ეს ქუჩები სავსეა სიყვარულით და ზრუნვით.

„და როცა დღეს ჩვენს ქვეყანას ვუყურებ და ვხედავ რას ვაკეთებთ ერთმანეთის დასაცავად და მხარდასაჭერად, მე კვლავ სიამაყით ვივსები, რომ ჩვენ ვართ კვლავ სახელმწიფო და ის მამაცი ჯარისკაცები, მეზღვაურები და მფრინავები გვახსოვს და ვეთაყვანებით“, - დასძინა დედოფალმა.