Forbes-ის სტატია ივანიშვილზე: "გაკვეთილი კრემლინოლოგიაში"

Image

"გაკვეთილი კრემლინოლოგიაში", - ამ სათაურით აქვეყნებს გამოცემა Forbes მელიკ კაილანის სტატიას, რომელიც საქართველოსა და პრემიერ ივანიშვილს ეხება.

როგორც სტატიის ავტორი აღნიშნავს, 20 ივნისს Wall Stereet Journal-ში გამოქვეყნებულმა სტატიამ ღრმა შეშფოთება უნდა გამოიწვიოს დასავლური ალიანსის დედაქალაქებში.

 

"ეს ის საქართველოა, რომელიც უშედეგოდ ისწრაფვის ნატო-სა და ევროკავშირის წევრობისკენ, რომელმაც ჯარები გაგზავნა ერაყსა და ავღანეთში და, რომელიც პოსტსაბჭოთა პერიოდის შემდეგ მოსკოვის მუდმივი მბრძანებლობისგან თავის დაღწევისგან იბრძვის. დასავლეთმა საქართველოს ერთგულება კი იმით დაუფასა, რომ 2008 წელს საქართველოში პუტინის შემოჭრას გვერდიდან უყურებდა და რუსეთს სეპარატისტული რეგიონების სპონსორობის ნება დართო", - აღნიშნავს სტატიის ავტორი და მოჰყავს Wall Stereet Journal-ის სტატიიდან ციტატა, სადაც ნათქვამია, რომ ირანელი ბიზნესმენები აშშ-ის დიდი ხნის მოკავშირე საქართველოში მიილტვიან ბიზნესის საკეთებლად.

 

"სხვა სიტყვებით რომ ვთქვათ, თბილისი ნებას იძლევა ამერიკის სანქციების დარღვევას, რაც წარმოუდგენელი იყო სააკაშვილის მმართველობის დროს", - ნათქვამია "ფორბსის" სტატიაში.

 

როგორც სტატიის ავტორის აღნიშნავს, 2012 წლის ოქტომბერის არჩევნებში "ქართული ოცნებისა და მისი ოლიგარქი ლიდერის ბიძინა ივანიშვილის გამარჯვების შემდეგ ეს წარმოუდგენელი აღარ არის".

 

"როგორც ჩანს, "ვოლ სტრიტ ჯორნალმა" ისევე, როგორც დასავლური სამყაროს დიდმა ნაწილმა, ყველაზე მნიშვნელოვანი გამოტოვეს – მიუხედავად მისი პროტესტისა, ივანიშვილი არასდროს აპირებდა იმ პროდასავლური კურსის გაგრძელებას, რომელიც მემკვიდრეობით ერგო", - აღნიშნავს მელიკ კაილანი.

 

სტატიის ავტორი წერს, რომ ივანიშვილი მთელი წინასაარჩევნო პერიოდის განმავლობაში უარყოფითად არ მოიხსენიებდა პუტინს, რომელმაც სულ ცოტა ხნის წინ მისი ქვეყანა დაიპყრო.

 

"მას არაფერი გაუკეთებია თავისი მიმდევრების შესაჩერებლად, რომელთაც არაერთხელ გაუგზავნეს დაშინების ტექსტები მის ოპონენტ პოლიტიკოსებს, რომლებსაც არჩევნების შემდგომ დაპატიმრებით ემუქრებოდნენ. არც ერთი მისი ნაბიჯი არ შეფასდა სათანადოდ. ნაცვლად ამისა, მედიამ მას თავისივე წესებით თამაშის ნება დართო, მათ შორის - ციხეში შეურაცხყოფის ამსახველი ვიდეობის ჩვენების.

 

ნებისმიერი საღად მოაზროვნე დამკვირვებელი შენიშნავდა ამ ვიდეოების უსაფუძვლობასა და ხელოვნურობას. საფრანგეთის დაზვერვის სამსახურმა ქართული მაფიის აუდიოჩანაწერი გაავრცელა, სადაც ისინი თავდასხმას გეგმავდნენ. ქართული და რუსული მაფია მჭიდრო მოკავშირეები არიან. მაგრამ არა, თქვენ ვერ შეძელით დასავლური მედიისგან ლოგიკური დასკვნების გამოტანის მიღება", - წერს "ფორბსის" კონტრიბუტორი.

 

სტატიის ავტორი ასევე აღნიშნავს, რომ ივანიშვილმა განაცხადა რუსეთში ბიზნესის გაყიდვის შესახებ, მაგრამ ყველასთვის ცხადი იყო, რომ ვერ გაყიდდა "ლუკოილსა" და "როსნეფტში" თავის წილებს კრემილის მხრიდან მწვანე შუქის ანთების გარეშე.

 

"ბევრი მიმტკიცებდა, რომ ივანიშვილსა და კრემლს შორის კავშირის სამხილები არ არსებოდა. ესეც თქვენ სამხილი – ირანული ეკონომიკის მხარდაჭერის თანამონაწილეობა. პირადად ჩემთვის ეს სიურპრიზი არ ყოფილა – ყველაფერი, რასაც მანამდე ვწერდი და ვამბობდი, ახდა და უარესებიც მოხდა. სააკაშვილის პოლიტიკურ მოკავშირეებს სასამართლო წესით დევნიან, ათავისუფლებენ რეგიონული თვითმმართველობების თანამშობლებს და აშინებენ ადგილობრივ გამგებლებს, არის ქართამის აღებისა და სასამართლო დაშინებების მცდელობები", - წერს მელიკ კაილანი და საქართველოს იუსტიციის მინისტრის სიტყვებს ციტირებს, რომელმაც ევროპარლამენტარ კრჟიშტოფ ლისეკს განუცხადა, რომ "არ ჩქარობენ ოპოზიციური პარტიების წარმომადგენელთა წინააღმდეგ საქმის წარმართვას, რადგან ამჟამინდელი მოსამართლეები მათ არ დასჯიან და პირველ რიგში, მათ სასამართლო სისტემის რეფორმა სჭირდებათ".

 

"ივანიშვილს შეუძლია მთელ ხმაზე იყვიროს, რომ ამა თუ იმ დასავლურ კლუბში გაწევრიანებისკენ მიისწრაფვის, მაგრამ ბევრ დროს კარგავს თავისი ქვეყნის ამ კლუბში გაწევრიანების საწინააღმდეგოდ. ვინც ზემოხსენებულს ეწინააღმდეგება, კრემლინოლოგიაში ძველმოდური გაკვეთილები სჭირდება. ამ პერსპექტივით, ყველაფერი თავის ადგილზე დალაგდება. ირანის სანქციების დარღვევით მოსკოვის სტრატეგიული ინტრესების მიმდევრობა კრემლს შიიტური ნახევარმთვარის გადარჩენის შენარჩუნების საშუალებას აძლევს", - წერს მელიკ კალიანი და დასძენს, რომ ამ შემთხვევაში ირანს შეუძლია, გააგრძელოს სირიის და ჰეზბოლას ეკონომიკური დახმარება მაშინ, როცა კავკასიის გავლით კრემლის წვდომა ახლო აღმოსავლეთსა და ხმელთაშუაზღვაზე გავრცელდება.

 

"ივანიშვილმა ცოტა ხნის წინ განაცხადა, რომ საქართველო მზად იქნება, მნიშვნელოვანი ნაბიჯი გადადგას და ნატო-ს მიუახლოვდეს. ირონია ის არის, რომ სააკაშვილმა ამისთვის ყველა საჭირო ხერხი გამოიყენა. ივანიშვილმა კი ეს ხერხები უკუაგდო. უფრო დიდი ირონია კი ის არის, რომ მისი სჯერათ", - წერს მელიკ კაილანი.

 

20 ივნისს Wall Street Journal-მა გამოაქვეყნა სტატია სათაურით - "საქართველოში ირანელების ინვესტიცია, სანქციების მიუხედავად, იზრდება". სტატია ირანელების მხრიდან საქართველოში ბიზნეს საქმიანობისადმი ინტერესის ზრდას ეხება და აღნიშნულია, რომ ეკონომიკურმა სანქციებმა ირანს საზღვარგარეთ ბიზნესის კეთება გაურთულა, მაგრამ ირანელი ბიზნესმენები მიილტვიან საქართველოსკენ, რომელიც უკვე დიდი ხანია, აშშ-ის მოკავშირეა კავკასიის რეგიონში. სტატიაში ასევე ნათქვამია, რომ ბოლო ორი წლის განმავლობაში საქართველოში ირანული კომპანიების რაოდენობა 84-დან 1 500-მდე გაიზრადა.

 

Wall Street Journal-ის სტატიის თანახმად, ბოლო თვეების განმავლობაში ირანელებმა კერძო ქართული ავიაკომპანიის, ძირითადი სავაჭრო ბანკისა და ლითონის ქარხნის სადავეები აიღეს, ირანული ენა ხშირად ისმის ღამის თბილისის კაზინოებშიც.

 

Wall Street Journal-ის სტატიაში ასევე მოყვანილი იყო აშშ-ის ხაზინის ოფიციალური პირის, დევიდ კოენის კომენტარი, რომელიც აცხადებს, რომ ამერიკა ორიენტირებულია, აღკვეთოს ირანის მიერ სანქციების თავიდან აცილების ნებისმიერი მცდელობა, მათ შორის შესძლო ბიზნესკავშირებით საქართველოში.

 

Wall Street Journal-ის სტატიასთან დაკავშირებით საქართველოში ამერიკის შეერთებულმა შტატებმა გუშინ განცხადება გაავრცელა.

 

"სტატიაში გამოქვეყნებული ზოგიერთი განცხადებით საწინააღმდეგოდ, ჩვენ ვხედავთ საქართველოს მთავრობის შეურყეველ ინტერესს, მჭიდრო ურთიერთობა იქონიოს შეერთებულ შტატებთან, აგრეთვე ვხედავთ ძლიერ სურვილს, რომ საქართველომ ევრო-ატლანტიკური ინტეგრაცია გააგრძელოს.

 

ბოლო წლებში ირანის მიერ საქართველოში სანქციებისთვის თავის არიდების მცდელობების გამო შეერთებული შტატების შეშფოთება გაიზარდა. შეერთებული შტატების წუხილი დღევანდელი მთავრობის ხელისუფლებაში მოსვლამდე იღებს სათავეს", - ნათქვამია აშშ-ის საელჩოს მიერ გავრცელებულ განცხადებაში.

 

"ინტერპრესნიუსის" მიხედვით.

თემასთან დაკავშირებული მასალები:
რედაქტორის რჩევით

"რვაფეხას" მსახიობები 33 წლის შემდეგ

2019-05-18 18:16
რვაფეხა - ტელესერიალი, რომელშიც აღწერილია იტალიელი სამართალდამცველების ბრძოლა სიცილიურ მაფიასთან ...

გელა ჩარკვიანმა გარდაცვლილ მეუღლეს დაბადების დღე ემოციური პოსტით მიულოცა

2019-05-18 17:46
გელა ჩარკვიანმა გარდაცვლილ მეუღლეს დაბადების დღე ემოციური პოსტით მიულოცა18 მაისი ნანას დაბადების დღეა!

ახალი ბეტმენი,შესაძლოა, რობერტ პატინსონი გახდეს

2019-05-18 13:51
მსახიობი რობერტ პატინსონი მეტ რივზის ფილმში ბეტმენის როლის შემსრულებლის მთავარი კანდიდატი გახდა.

ანრი ჯოხაძე, მაკა რაზმაძე, გიორგი გასვიანი და ნოე სულაბერიძე დასასვენებლად ერთად გაემგზავრნენ

2019-05-18 13:27
ანრი ჯოხაძე, მაკა რაზმაძე, გიორგი გასვიანი, ნოე სულაბერიძე  და ჟანეტ ქერდიყოშივილი დასასვენებლად ...
რჩეული ვიდეოები

"მედიაფოკუსი მშვიდობაზე" - პირველი გადაცემა

2018-09-23 19:03
‘’სამოქალაქო განვითარების საერთაშორისო ქსელმა’’ (INCD) 2018 წლის 1 აგვისტოს კანადის მთავრობის...

ნათელაშვილი: სადაც გაგიჭირდებათ, ყველგან გუგავა მოვა...

2017-09-14 16:31
საქართველოს მთავარმა ლეიბორისტმა დღეს თბილისის მერობის კანდიდატად გიორგი გუგავა წარადგინა და...

ხუხაშვილი: სააკაშვილი კრიზისების ლიდერია, პოროშენკომ გაიჩალიჩა(ვიდეო)

2017-09-14 13:56
"მიხეილ სააკაშვილი კრიზისული ლიდერია, მთელი მისი ბიოგრაფია ამას ცხადყოფს, ასე რომ, პოროშენკომ...

ჟირინოვსკი: ქართველებს ენერგეტიკა აქვთ აქტიურობის - სააკაშვილი პოროშენკოსაც ჩააჩოჩებს და ავაკოვსაც

2017-09-14 02:39
რუსეთის მთავარი ლიბერალ-დემოკრატი ვლადიმირ ჟირინოვსკი რუსეთის სახელმწიფო ტელევიზიის პირველ არხზე...

გამოკითხვა

2018 წელს ხელისუფლების საქმიანობას შევაფასებდი:

დადებითად - 33.3%
უარყოფითად - 50%
საშუალოდ - 16.7%
ხმების რაოდნობა: 6
ხმის მიცემა შეწყვეტილია !

ვალუტა

1
EUR
 - 
3.0630
0.0000
100
RUB
 - 
4.2434
0.0000
1
USD
 - 
2.7424
0.0000

გუშინ:

ჰიტები:981 უნიკალური:804

მიმდინარე:

ჰიტები:171 უნიკალური:149