წითელის ჯვრის საერთაშორისო ორგანიზაცია საქართველოს ცენტრალურ ხელისუფლებასა და თბილისის მერიას მადლობას უხდის

Image

„წითელი ჯვრისა და წითელი ნახევარმთვარის საზოგადოებების საერთაშორისო ორგანიზაციის სახელით, კორონავირუსის წინააღმდეგ ბრძოლაში საქართველოს მთავრობის მიერ გატარებული ეფექტური ნაბიჯების გამო, გულწრფელ მადლიერებას გამოვთქვამ“, - აცხადებს წითელი ჯვრისა და წითელი ნახევარმთვარის საზოგადოებების საერთაშორისო ორგანიზაციის გენერალური მდივანი, ჯაგან ჩაპაგაინი.

 

 

საერთაშორისო ორგანიზაციის გენერალური მდივანი საქართველოს პრემიერ-მინისტრ გიორგი გახარიასადმი მიწერილ წერილში საქართველოს მთავრობის მიერ გატარებულ ზომებს დროულს, ეფექტურსა და პროფესიონალურს უწოდებს. ამასთან, თბილისის მერიისა და საქართველოს წითელი ჯვრის საზოგადოების თანამშრომლობას მაღალ შეფასებას აძლევს.    

 

გენერალური მდივანი თავის მიმართვაში ყურადღებას ამახვილებს თბილისის მერიასა და საქართველოს წითელი ჯვრის საზოგადოებას შორის გაფორმებულ ხელშეკრულებაზე, რომელიც ვირუსით გამოწვეული შედეგების შემსუბუქების მიზნით,  მოწყვლადი ჯგუფების დასახმარებლად, მოხალისეთა ერთობლივად   მობილიზებასა და  გადამზადებას ითვალისწინებს. 

 

ჯაგან ჩაპაგაინი, როგორც ცენტრალურ, ასევე ადგილობრივ ხელისუფლებას  საქართველოს წითელი ჯვრის საზოგადოების მიმართ გამოხატული აქტიური მხარდაჭერის გამო მადლობას უხდის და ვირუსის პრევენციის პროცესში  თანამშრომლობის კიდევ უფრო გაღრმავების მზადყოფნას გამოთქვამს.

 

„კორონავირუსის საპასუხოდ, საქართველოს წითელმა ჯვარმა მობილიზება გაუკეთა და დაატრენინგა 5 000–ზე მეტი მოხალისე, რომლებიც ადგილობრივ ხელისუფლებას COVID 19–ის შეკავებასა და დაძლევაში დაეხმარებიან. თბილისის მერიასთან რეკრუტირების, სწავლების, ზედამხედველობისა და მოხალისეთა მხარდაჭერის საკითხებში თანამშრომლობის შესახებ ხელშეკრულებაც გაფორმდა. ეს სამუშაო ვრცელდება საქართველოს ყველა მუნიციპალიტეტში. ეროვნული საზოგადოების მოხალისეები პირველად დახმარებას უწევენ სოციალურად დაუცველ 13 000-ზე მეტ მოქალაქეს, მათ შორის, ხანდაზმულებსა და შეზღუდული შესაძლებლობების მქონე პირებს, რომლებიც რჩებიან შინ და ინფექციისგან თავს იცავენ. სხვა საქმიანობათა 

 

შორისაა, ფართომასშტაბიანი რისკის კომუნიკაცია ყველა საკვანძო პოპულაციასთან მისაღწევად.

 

საქართველოს წითელი ჯვრის საზოგადოება 39 ფილიალის მეშვეობით, მთელი ქვეყნის მასშტაბით აქტიურია და როგორც წითელი ჯვრისა და წითელი ნახევარმთვარის საზოგადოების საერთაშორისო ფედერაციის წევრი, დაუყოვნებელი წვდომა აქვს ინფორმაციაზე საპასუხო მოდელების, ინსტრუმენტების, სახელმძღვანელო მითითებებისა და წითელი ჯვრისა და წითელი ნახევარმთვარის ქსელის მიდგომებთან დაკავშირებით. საერთაშორისო ფედერაცია ფინანსურ და ტექნიკურ დახმარებას უწევს საქართველოს წითელ ჯვარს, რათა განახორციელოს მისი, როგორც საზოგადოებრივი ხელისუფლების დამხმარის ფუნქცია ჰუმანიტარულ სფეროში, როგორც ეს დადგენილია „ეროვნული უსაფრთხოების შესახებ“ კანონისა და „საქართველოს წითელი ჯვრის შესახებ“ კანონის საფუძველზე“ , - აღნიშნულია წერილში.

 

წითელი ჯვრისა და წითელი ნახევარმთვარის საზოგადოებების საერთაშორისო ორგანიზაციის  გენერალური მდივანი მზადყოფნას გამოთქვამს, საქართველოს წითელი ჯვრის საზოგადოება ყველა საჭირო დახმარებით უზრუნველყოს, როგორც პანდემიის დროს, ისე მის ფარგლებს გარეთ.

 

ამასთან, დედაქალაქის მერსა და მერიის თითოეულ თანამშრომელს დროული და ეფექტურად განხორციელებული ღონისძიებებისთვის მადლობას საქართველოს წითელი ჯვრის საზოგადოების პრეზიდენტი ნათია ლოლაძეც უხდის და კორონავირუსის წინააღმდეგ მიმართულ ბრძოლაში სათანადო ზომების გატარების მზადყოფნას გამოთქვამს.

 

მისივე შეფასებით, საქართველოს წითელი ჯვრის საზოგადოებისა და თბილისის მერიის თანამშრომლობა საერთაშორისო დონეზე აღიარებულ იქნა, როგორც პანდემიის პირობებში ადგილობრივი ხელისუფლებისა და სამოქალაქო საზოგადოების პარტნიორობის საუკეთესო მაგალითი.

 

 

 

 

თემასთან დაკავშირებული მასალები:
რედაქტორის რჩევით

პარლამენტში შესაძლოა, ორი კომიტეტი გაუქმდეს

2020-05-26 13:57
პარლამენტში კომიტეტების რაოდენობა 15-დან 13-მდე შესაძლოა, შემცირდეს. ამის შესახებ რეგლამენტში...

ემანუელ მაკრონი სალომე ზურაბიშვილს - საქართველოს ეროვნულ დღესასწაულთან დაკავშირებით, თქვენ და ქართველ ხალხს ბედნიერებასა და კეთილდღეობას გისურვებთ

2020-05-26 13:08
საფრანგეთის პრეზიდენტი, ემანუელ მაკრონი საქართველოს პრეზიდენტს, სალომე ზურაბიშვილს და ქართველ ხალხს დამოუკიდებლობის დღეს ულოცავს.

სალომე სამადაშვილი - ბატონ გახარიასთან უამრავი შეკითხვა გვაქვს

2020-05-26 12:57
ბატონ გახარიასთან უამრავი პოლიტიკური შეკითხვა გვაქვს, რაც ეხება იმას, რომ საქართველოს დღევანდელი...
რჩეული ვიდეოები

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

კნუტების გასეირნება ჯორჯიის ცარიელ აკვარიუმში(ვიდეო)

2020-04-10 12:52
აშშ-ში, კორონავირუსის გამო დახურული ჯორჯიის აკვარიუმი ცხოველებისთვის ექსკურსიების მოწყობას...

ხანძარი გემზე - ქართველმა მეზღვაურებმა ეკიპაჟის 12 წევრი გადაარჩინეს(ვიდეო)

2020-04-09 12:47
 ქართველმა მეზღვაურებმა ეკიპაჟის 12 წევრი გადაარჩინეს-ხომალდზე ხანძარი წუხელ გაჩნდა. სამაშველო...

გამოკითხვა

როგორ შეაფასებთ სახელმწიოფოს მუშაობას "კორონა ვირუსისი" წინააღმდეგ?


ვალუტა

1
EUR
 - 
3.4801
0.0000
100
RUB
 - 
4.4615
0.0000
1
USD
 - 
3.1916
0.0000