-
2020-01-19 11:42
სამოქალაქო აქტივისტი ნატა ფერაძე, რომელიც გუშინ ადმინისტრაციული წესით დააკავეს ხელწერილის
საფუძველზე გაათავისუფლეს.
დაკავებასთან დაკავშირებით ნატა ფერაძის „ფეისბუქის“ გვერდზე მისმა ახლობლებმა დაწერეს.
„დაახლოებით საათნახევრის წინ, ჰომოფობიურად განწყობილმა ბიჭების და გოგოების ჯგუფმა შეურაცხყოფა მიაყენეს ტრანსგენდერს. ტრანსგენდერმა გამოიძახა პატრული ჩუმად, პატრული მოვიდა, ჰომოფობები გაიქცნენ, პოლიციელები ნელი ნაბიჯებით გაეკიდნენ და ვერ დაიჭირეს, რასაც მოჰყვა ტრანსგენდერების გაღიზიანება. ტრანსგენდერი დააკავეს სრულიად უმიზეზოდ, იმის გამო, რომ პოლიციას ჰომოფობი უწოდა. ჩვენ ვკითხეთ პატრულს, თუ რატომ დააკავეს ტრანსგენდერი და უცბად ნატაც დაიჭირეს. მთელი დროის განმავლობაში ჩანდა პოლიციის ჰომოფობიური განწყობა,“ - ნათქვამია ნატა ფერაძის Facebook გვერდზე გავრცელებულ ინფორმაციაში.
მოგვიანებით ნატამ თავადაც გააკეთა ფაქტის ახსნა-განმარტება:
"პოლიციას მე ვასწავლიდი, რომ არა აქვთ უფლება მობილურით გადაგვიღონ ფოტოები.
-და თქვენ რომ გვიღებთ, ამის უფლება გაქვთო? კი, ჩვენ, მოქალაქეებს გვაქვს უფლება საჯარო სივრცეში ყველაფრის გადაღების და ფორმიან პოლიციელს მობილურით მოქალაქის გადაღების - არა."-წერს ფერაძე.