2020-01-18 20:28

ცოტა ხნის წინ ავარია მოხდა თბილისის შემოსასვლელთან. ამ დროისთვის არსებული ინფორმაციით, 

ჯიპის მძღოლმა საჭე ვერ დაიმორჩილა, გზის სავალი ნაწილიდან გადავიდა და კლდეს შეეჯახა.

 ავტოსაგზაო შემთხვევის შედეგად 6 ადამიანი დაშავდა, რომლებიც ამ დროისთვის საავადმყოფოში არიან გადაყვანილები.

ადგილზე მობილიზებულია საექსპერტო-კრიმინალისტური დეპარტამენტი და საპატრულო პოლიცია.

მომხდართან დაკავშირებით გამოძიება სისხლის სამართლის კოდექსის 276-ე მუხლის მეორე ნაწილით

მიმდინარეობს, რაც სატრანსპორტო საშუალების უსაფრთხოების ან ექსპლუატაციის წესის დარღვევას

გულისხმობს.