2019-12-05 16:00

 საპარლამენტო უმრავლესობის ლიდერი მამუკა მდინარაძე სრულად მაჟორიტარულ სისტემაზე გადასვლის წინააღმდეგია.

ბიუროს სხდომაზე ცნობილი გახდა, რომ რომ 2024 წლიდან მაჟორიტარულ საარჩევნო სისტემასთან დაკავშირებით საინიციატივო ჯგუფის განცხადება საპროცედურო საკითხთა და წესების კომიტეტს დასკვნისთვის გადაეცემა.

„როგორც დეპუტატი აბსოლუტურ წინააღმდეგობას ვაფიქსირებ. ვფიქრობ, რომ უახლოეს მომავალში გვექნება უმრავლესობის სხდომა, სადაც ამ საკითხზე უნდა ვიმსჯელოთ და რაღაც გადაწყვეტილებამდე მივიდეთ. თუ მსგავს ინიციატივებს წმინდა ფორმალური თვალსაზრისით არ ექნება თანხმობა, შემდეგი განვითარება როგორ იქნება, ჩემი აზრით, ამაზე უნდა ვიმსჯელოთ. ეს უნდა გავაკეთოთ უახლოეს მომავალში უმრავლესობის სხდომაზე“ - განაცხადა მდინარაძემ.