-
2019-11-20 15:10
სამოქალაქო მოძრაობა „ სირცხვილიას“ წევრმა გიგა მაქარაშვილმა 18 ნოემბრის მასობრივ დაკავებებთან დაკავშირებით ჟურნალისტებთან ისაუბრა.
იგი არ გამორიცხავს, რომ ისევ დააკავონ, თუმცა მისი თქმით ეს პროცესები ბიძინა ივანიშვილის მმართველობის დასასრულს დააჩქარებს.
„ეტაპური სასამართლო პროცესი იყო გუშინ. მოსამართლემ ბიძინა ივანიშვილის ბრძანებას ხელი ვერ მოაწერა. ეს არის ძალიან მნიშვნელოვანი ამბავი და ჩვენ გვგონია, რომ ეს არის დასაწყისი, კიდევ ერთი ძალიან დიდი ნაბიჯი ბიძინა ივანიშვილის და მისი რეჟიმის დასასრულის. არ არის გამორიცხული, რომ ისევ ჩაგვსვან, თუმცა ამით კიდევ უფრო აწევენ დუღილის ტემპერატურას. რამდენ დამატებით წუთსაც ჩვენ იქ გავატარებთ, უფრო შეუმცირდება ბიძინა ივანიშვილს და მის გუნდს მმართველობაში ყოფნის დრო" - განაცხადა გიგა მაქარაშვილმა