დიდ ბრიტანეთში გამართულ საერთაშორისო ტურისტულ გამოფენაზე საქართველო ევროპის მოსანახულებელ ადგილთა სიაში პირველ ადგილზე გავიდა.
„WTM London -2019“-ზე სულ დასახელებული იყო 30 ტურისტული მიმართულება, რომელსაც 2020 წელს აუცილებლად უნდა ეწვიო.
ჟიურის წევრებმა, რომლებიც მოგზაური ბლოგერები იყვნენ, საქართველო ყველაზე მიმზიდველ ადგილად მიიჩნიეს.
„ეს აღიარება ნიშნავს იმას, რომ საქართველოს პოზიციონირება მსოფლიოს მასშტაბით ძალიან კარგად განხორციელდა და რაც ყველაზე მნიშვნელოვანია ტურისტებს, უცხოელ ჟურნალისტებსა და ბლოგერებს აქვთ იმის სურვილი, რომ საქართველოში იმოგზაურონ როგორც წელს, ასევე მომავალ წელს “, - განაცხადა მარიამ ქვრივიშვილმა