გერმანიის კანცლერის ანგელა მერკელის განცხადებით, აშშ ევროპას, ავტომატურ რეჟიმში, აღარ დაიცავს.
ამის შესახებ მერკელმა ბუნდესტაგში 2020 წლის ბიუჯეტის განხილვის დროს განაცხადა. მისი თქმით, ევროპამ საკუთარი უსაფრთხოების უზრუნველყოფისთვის მეტი ძალისხმევა უნდა გამოიჩინოს.
"ევროპა აშშ-სთან ფასეულობებით არის დაკავშირებული. თუმცა, არ არსებობს ავტომატიზმი იმაში, რომ ისინი ევროპის დამცველის როლის თამაშს გააგრძელებენ. აქ საჭიროა ევროპის მეტი შენატანი." –აღნიშნა მერკელმა.