-
2019-04-22 16:34
41 წლის შოუმენი და ახალბედა პოლიტკოსი მილოცვებს იღებს. ვლადიმერ ზელენსკიმ პეტრო პოროშენკო საპრეზიდენტო არჩევნებში გამანადგურებელი სხვაობით დაამარცხა.
უკრაინის საპრეზიდენტო არჩევნების მეორე ტურში ვლადიმერ ზელენკის ამომრჩევლის 73% დაუჭირა მხარი, პეტრო პოროშენკოს კი მხოლოდ 24 %-მა.
უკრაინის საარჩევნო კომისიას ჯერ ოფიციალური შედეგები გამოქვეყნებული არ აქვს, თუმცა ქვეყნის მოქმედმა ლიდერმა არჩეულ პრეზიდენტს გამარჯვება ეგზიტპოლების გამოქვეყნებისთანავე მიულოცა, ვლადიმერ ზელენსკი კი მილოცვებს უკვე მსოფლიო ლიდერებისგანაც იღებს.
მას ტელეფონით ელაპარაკა დონალდ ტრამპი და უკრაინას შეერთებული შტატების სახელით კვლავ მხარდაჭერა გამოუცხადა. არჩევნებში გამარჯვებულ კანდიდატს მიულოცეს ევროპული საბჭოს პრეზიდენტმა დონალდ ტუსკმა და ნიკოლ პაშინიანმა. მილოცვა ზელენსკიმ უკრაინის ექს პრეზიდენტის ვიქტორ იანუკოვიჩისგანაც მიიღო.
პეტრო პოროშენკომ განაცხადა, რომ პოლიტიკიდან წასვლას არ აპირებს. მან შტაბში შეკრებილი მხარდამჭწერების წინაშე პირობა დადო, რომ ახალი პრეზიდენტის ძლიერი მეტოქე იქნება, მაგრამ უკრაინელი ხალხის ინტერესების დასაცავად, ზელენსკის თავის გუნდთან ერთად გვერდითაც დაუდგება.