განმუხურის სანაპირო ზოლზე, რომელიც ცოტა ხნის წინ აუქციონის წესით შეისყიდა "პანორამა თბილისის" დირექტორის კუთვნილმა კომპანიამ, აგვისტოში 120 ნომრიანი სასტუმროს მშენებლობა დაიწყება. ზუგდიდის მუნიციპალიტეტის საკრებულოში რიგგარეშე სხდომა ჩაატარეს და სასტუმროს მშენებლობის გეგმა დაამტკიცეს.
2016 წლის მარტში დაფუძნებული «ბლექ სი რივიერაა». მისი დირექტორი ირაკლი ქარსელაძე ამავე დროს ბიძინა ივანიშვილის თაინვესტირების ფონდის პროექტის, «პანორამა თბილისის» ხელმძღვანელი და «ქართუ ჯგუფის» საგარეო დეპარტამენტის შესყიდვების ყოფილი უფროსია. საჯარო რეესტრის თანახმად, ირაკლი ქარსელაძე «ბლექ სი რივიერას» გარდა კიდევ 7 კომპანიის დირექტორია.
განმუხურში სანაპიროს მიმდებარე ტერიტორიაზე 34 ათასამდე კვადრატული მეტრის მიწის ნაკვეთი შპს „ბლექ სი რივიერამ“ მიმდინარე წლის მარტში აუქციონზე შეიძინა 2 მილიონ 266 500 ლარად. სატენდერო პირობების თანახმად, კომანიამ აქ 10 მილიონი ლარის ინვესტიცია უნდა განახორციელოს.