-
2016-03-28 09:21
ციხისძირიდან ზღვით შეკვეთილში გადატანილი 120 წლოვანი, 650 ტონიანი ხე ზღვიდან ნაპირზე გადმოიტანეს. ამისთვის ზღვაში საგანგებოდ გაყვანილი გზა გამოიყენეს. ახლა კიდევ ერთი გზა ბეტონის ფილებით უნდა დაიგოს, რომ ტიტის ხე ბიძინა ივანიშვილის პარკში გადაიტანონ.
სამუშაოთა მწარმოებელი კომპანიის წარმომადგენლების თქმით, სამუშაოები სანაპიროზე მთელი ღამის განმავლობაში გაგრძელდა და მთავარი მიზანი მიღწეულია: „ხმელეთის ბინადარი დაუბრუნდა ხმელეთს, აწი ყველაფერი გეგმის მიხედვით წარიმართება და დღეს, სავარაუდოდ, ხეს უკვე პარკში გადავიტანთ“, - აღნიშნა კომპანიის წარმომადგენელმა.