2015-10-29 21:07

"რუსთავი-2"-ის გენერალური დირექტორი ნიკა გვარამია ადასტურებს იმ ჩანაწერის ავთენტურობას, რომელიც ინტერნეტში გავრცელდა. მისი თქმით, მიხეილ სააკაშვილის აზრით, მათ სიტყვის თავისუფლება უნდა დაეცვათ სწორედ იმ მეთოდებით, რა მეთოდებზეც სააკაშვილი საუბრობს - ბარიკადებით, კუნთმაგარი ადამიანების შემოჯარვით და ა.შ.

"სააკაშვილი ფიქრობს ასე და ეს მისი პოლიტიკური გემოვნებისა და პოლიტიკური პასუხისმგებლობის საკითხია. რამდენად ვიზიარებ მე მის პათოსს, შეგიძლიათ გარეთ გაბრძანდეთ და ნახოთ: ეს საუბარი თარიღდება დაახლოებით 19 ოქტომბრით, გარეთ არც ბარიკადებია და არც რკინის კონსტრუქციები", - განაცხადა ნიკა გვარამიამ საგანგებო ბრიფინგზე.