2015-07-15 16:23

„ჩვენ ვისაუბრეთ ამ ინცინდენტზე, რადგან ის აფუჭებს ორმხრივი ურთიერთობების ატმოსფეროს საქართველოსთან,”- განაცხადა გრიგორი კარასინმა.

მან აღნიშნა, რომ ჰქონდა სატელეფონო საუბარი საქართველოს საგარეო საქმეთა მინისტრის მოადგილესთან დავით დონდუასთან. მისი თქმით, რუსეთი ინფორმირებულია, თუმცა კონსულტაციებისათვის საქართველოს ხელისუფლებამ ოკუპირებული სამხრეთ ოსეთის ხელმძღვანელობას უნდა მიმართოს.

,,მზად ვართ განმარტებები გავაკეთოთ, თუმცა გვესმის რომ ამ საკითხის ადრესატები ჩვენ არ ვართ, ეს კითხვა უნდა დაუსვათ სამხრეთ ოსეთს. საქართველო–სამხრეთ ოსეთის ურთიერთობები უნდა მოგვარდეს იმ საერთაშორისო ფორმატების ფარგლებში, რომლებიც სპეციალურად ამისთვისაა შექმნილი.

კიდევ ერთხელ ვიმეორებ არავის არაფერი არსად არ გადაუწევია. არსებობს ადმინისტრაციული საზღვარი, რომელიც ამ დროისთვის წარმოადგენს სამხრეთ ოსეთის რესპუბლიკის სახელმწიფო საზღვარს. ის ზუსტად ისეთივე რჩება როგორიც იყო 20 წლის წინ და ყველა ნიშნები რომლებიც ჩნდება არის დასაბუთებული და არა მოგონილი. კიდევ ერთხელ არის საჭირო რუკების აღება და სამართლიანობის აღდგენა,“ - განაცხადა კარასინმა.