2015-04-25 00:33

"რეაქციის" ინტერაქტივში მაყურებლისთვის დასმულ შეკითხვას: "ვის მხარეს ხართ ივანიშვილისა და მარგველაშვილის დაპირისპირებაში?" 34 ათასზე მეტი ზარი შევიდა. 

მაყურებელთა უმრავლესობამ გიორგი მარგველაშვილის მხარე დაიკავა და საბოლოო შედეგში პრეზიდენტის მომხრეების რიცხვმა 23.260, ხოლო ივანიშვილის მომხრეებისამ - 10. 975 შეადგინა.

გადაცემის ბოლოს მისმა წამყვანმა ინგა გრიგოლიამ ბოდიში მოიხადა ტექნიკური გაუმართაობის გამო, რასაც, მისი თქმით, უჩიოდნენ მოქალაქეები, რომლებიც სტუდიაში რეკავდნენ და აცხადებდნენ, რომ მათი ხმა არ ფიქსირდებოდა:

"არ ვიცი, რამდენად სარწმუნოა ეს შედეგები ამ შეფერხების გამო, მაგრამ ის ასე გამოიყურება...", - განაცხადა ინგა გრიგოლიამ და ინტერაქტივის შედეგები შეაჯამა.