2015-01-14 23:23

ეროვნული ბანკის ყოფილი პრეზიდენტი რომან გოცირიძე ახალ ინფორმაციას აანონსებს: საქართვეკო მეოთხე ადგილზე გასულა საუკეთესო სმა-ჭამის რეიტინგში.

„ფანტასტიკური შედეგია: საქართველო მეოთხე ადგილზეა ევროპაში საუკეთესო ჭამა-სმის რეიტინგში იტალიის, ესპანეთისა და საფრანგეთის შემდეგ! ამაზე დიდი რეკლამა რა გინდა?!

აი რას ნიშნავს ტურიზმზე ორიენტირებული სტრატეგია, რომელიც ამ უაზრო სავიზო შეზღუდვებით გავაფუჭეთ!

ვის ვუკეტავთ კარებს? ევროპელებს? მხოლოდ 90 დღე იყავით აქ და მერე წადით სახლებში ახალი ვიზების საშოვნელადო?

ახლა თავში გადავთალე რამდენიმე ათეული შეზღუდვა, რაც ბოლო პერიოდში დაწესდა და დიდი წვალების შემდეგ მივაგენი ერთადერთ გათავისუფლებას: ეს იყო 500 ლარამდე ხელფასის მქონეთათვის დაქვითული საშემოსავლო გადასახადის უკან დაბრუნება, რომელიც ახლახან ისევ გააუქმეს (მის ავკარგიანობაზე აქ არ შევჩერდები).

თანაც ყველა შეზღუდვას ჩვენზე ზრუნვით რომ ხსნიან?!

აგერ, უნებართვოდ ჩხრეკაც უნდა შემოვიღოთო! რა თქმა უნდა, ესეც ჩვენზე ზრუნვითაა ნაკარნახევი!

გულწრფელად მაინტერესებს, მართლა ასე სჯერათ, თუ ეს ყველაფერი ხელისუფლებისთვის ბრძოლის ეფექტური ხერხი ჰგონიათ?

მოკლედ, ხინკლით დავიწყე და გედეონ ფოფხაძემდე არ მივედი?

ასე იცის უკონტროლო აზრებმა. ვერა და ვერ ვისწავლე ცნობიერების ნაკადის მართვა!“ - წერს რომან გოცირიძე.