25 წლის სოხუმელი ე.წ. კანონიერი ქურდი ლაშა ბარათელი, მეტსახელად „ჭია“ სანკტ-პეტერბურგში, მისივე ბინის სადარბაზოში შვიდმა პირმა სასტიკად სცემა და დანით სახე დაუსერა. „პრაიმკრაიმი“ წერს, რომ ბარათელს დანით სასქესო ასოც დაუსერეს.
რუსული პოპულარული კრიმინალური გამოცემის ინფორმაციით, „ჭია“ „ჰასანელების“ მხრიდან განხორციელებული შურისძიების ობიექტი გახდა. ერთერთი ვერსიით, სწორედ „ჭია“ მიიჩნევა „დედ ჰასანზე“ სანკტ-პეტერბურგში დაგეგმილი თავდასხმის ინიციატორად და დამგეგმავად, რომელიც, სხვათა შორის, ვერ განხორციელდა.
„პრაიმკრაიმი“ წერს, რომ ლაშა ბარათელის ადგილსამყოფელის დადგენა ადვილი არ იყო, რადგან ის ხალხმრავალ ადგილებში ან თითქმის არასდროს ჩნდებოდა, ან მხოლოდ დაცვის თანხლებით გადაადგილდებოდა. გამორიცხული არ არის, რომ მისი ადგილსამყოფელის სესახებ ინფორმაცია „ჰასანისტებმა“ მისივე გარემოცვიდან მიიღეს, რის შემდეგაც მოსკოვიდან სანკტ-პეტერბურგში „შემსრულებელთა“ ოცკაციანი რაზმი გაიგზავნა.
14 ადამიანი სადარბაზოს შესასვლელში დარაჯობდა, ხოლო შვიდი მე-12 სართულზე იყო დადარაჯებული, სადაც ლიფტიდან გამოსვლისთანავე ბარათელს თაბს დაესხნენ და სასტიკად სცემეს, შემდეგ კი დანით ე.წ. „ბოზური იარა“ მიაყენეს. სავარაუდოდ, „ჭიას“ სახე ისე აქვს დასერილი, რომ მისი ცნობა სარკესაც კი გაუჭირდება.
„ჭია“ მოსკოვის ერთერთ საავადმყოფოშია გადაყვანილი, „ჰასანელები“ კი მორიგ გამარჯვებას ზეიმობენ. შეგახსენებთ, ეს პირველი შემთხვევა არ არის, როცა „დედ ჰასანის“ კლანის წარმომადგენლები, ძირითადად, მერაბ ჯანგველაძის მომხრე, მის კლანში მოაზრებულ „კანონიერ ქურდებს“ ესხმიან თავს.
ეს თავდასხმები ბოლო დროს უშუალოდ ქუჩაშია დაწყებული. ცოტა ხნის წინ მოსკოვში ყველაზე ახალგაზრდა „ქურდად“ მონათლული „რეზო ჯვარსკი“ სასტიკად სცემეს, ხოლო მოგვიანებით კიდევ ერთი „კანონიერი“ ტყეში გაიტაცეს, სცემეს და იარაღის მუქარით ტიტულზე უარი ათქმევინეს.
შიდა ფოტოზე: საჩინო გეგეჭკორი და ლაშა ბარათელი