2014-12-05 17:00

როგორც გაზეთი „პრემიერი“ წერს, პირველ დეკემბერს შუა ღამისას ბიძინა ივანიშვილს ღარიბაშვილისთვის დაურეკავს და უთქვამს სასწრაფოდ ჩემთან მოდი და ის შენი სიმამრის დისშვილიც მოიყვანეო.

„გაოცებულა პრემიერი-ხომ მშვიდობაა?! ღამის სამ საათზე რომ არ მოვიდეთო.

რომ მოხვალთ მერე გაიგებთ მშვიდობა არის თუ არაო,- უთქვამს ივანიშვილს და ტელეფონი გაუთიშავს.

რამდენიმე წუთში ღარიბაშვილი და ჯანყარაშვილი „შუშის სასახლეში“ მისულან. ღამის „რაზბორკას“ მათ გარდა კიდევ ერთი-ორი ადამიანი ესწრებოდა.

ბიძინა უბრალოდ გაბრაზებული კი არა, გაცოფებული ყოფილა. ხოდა როგორც კი ჯანყარაშვილი დაუნახავს, უყვირია, აიკარი გუდანაბადი და თვალით აღარ დამენახოო.

შენი დამსახურებაა ხალხი დედას რომ უკვე მეც მაგინებსო. ღარიბაშვილს უცდია სიტუაციის განმუხტვა, მაგრამ არაფერი გამოსვლია“,- უყვება „პრემიერს“ კონფიდენციალური წყარო.