პოლონეთში ოფიციალური ვიზიტით მყოფი მიხეილ სააკაშვილის განცხადებით, საქართველოს

პრემიერმინისტრი რუსეთის ოფიციალური პირებისა და უგო ჩავესის შემდეგ პირველი

ოფიციალური პირია, ვინც ქართული სახელმწიფო 2008 წლის ომის ინიცირებასა და გაჩაღებაში

დაადანაშაულა.

როგორც პრეზიდენტმა სააკაშვილმა პოლონეთის პრეზიდენტის სასახლის წინ შეკრებილ

ჟურნალისტებს განუცხადა, საქართველოს პრემირის ბიძინა ივანიშვილის მიერ ქართული მხარის

დადანაშაულება 2008 წლის ომის გაჩაღებაში, პოლონეთის ყოფილი პრეზიდენტის ლეხ კაჩინსკის

ღვაწლის „ფეხქვეშ გათელვაა.“

„აქ იყო პრეზიდენტი კაჩინსკი, ამ სასახლეში. თქვენ იცით, როგორ დაგვიჭირა მან მხარი

2008 წელს და რამხელა პოლიტიკური ფასის გადახდა მოუხდა მას ამ მხარდაჭერისთვის.

ვფიქრობ, თუნდაც პრეზიდენტ კაჩინსკის ღვაწლის ფეხქვეშ გათელვაა ის, რაც გუშინ

განაცხადა პრემიერმინისტრმა, რომელმაც პირდაპირ დაადანაშაულა შეიაღებული ძალები და

ქართული სახელმწიფო 2008 წლის ომის გაჩაღებაში. არც ერთ ოფიციალურ პირს, 2008 წლიდან

მოყოლებული, გარდა, რუსული ოფიციალური პირებისა და გარდა უგო ჩავესისა, არასოდეს

დაუდანაშაულებია საქართველო ომის ინიცირებასა და გაჩაღებაში. ყოველთვის ამ ომის

ინიციატორად და აგრესორად გამოყვანილი იყო რუსეთი. მოხდა პირველი შემთხვევა, როცა

გამოჩნდა კიდევ ერთი ოფიციალური პირი, გარდა რუსებისა და ჩავესისა, რომელმაც ეს გააკეთა

და, ჩემდა სამწუხაროდ, ეს საქართველოს პრემიერმინისტრი აღმოჩნდა", - განაცახდა

სააკაშვილმა.

ტელევიზიებისა და გაზეთების ხელმძღვანელებთან გუშინდელი შეხვედრისას საქართველოს

პრემიერმინისტრმა ბიძინა ივანიშვილმა განაცხადა, რომ მისთვის ზოგადად ომის

თემა ბურუსითაა მოცული. ივანიშვილის აზრით, აგვისტოს ომის დროს მაშინდელი

ხელისუფლება არაადეკვატურად მოიქცა. ამასთან, როგორც პრემიერმა აღნიშნა, პრეზიდენტის

გასამართლება უკულტურობა არ არის.

საქართველოს პრემიერ-მინისტრი ბიძინა ივანიშვილი მიესალმება, თუ მიხეილ
სააკაშვილი მთავრობის დათხოვნის უფლებას გამოიყენებს. როგორც ბიძინა
ივანიშვილმა დღეს, ცენტრალური ტელევიზიებისა და გაზეთების მთავარ
რედაქტორებთან შეხვედრისას განაცხადა , "ჭარბი უფლებამოსილების"
შეზღუდვის მიუხედავად, კონსტიტუციით მიხეილ სააკაშვილს ამის უფლება
შეუნარჩუნდა.
"ზედმეტ სპეკულაციას და კრიტიკას თავი დაანებონ. თუ უმცირესობის ლიდერ
პრეზიდენტს არ მოსწონს ახალი ხელისუფლება, მას აქვს უფლება, დაითხოვოს
მთავრობა და თუ ახალ მთავრობას პარლამენტი არ დაუმტკიცებს, პარლამენტიც
დაითხოვოს. მათ ახლა კარგი დრო დაუდგათ. მივესალმებით, თუ პრეზიდენტი
ამ უფლებას გამოიყენებს. ვკითხოთ საზოგადოებას და ჩვენი ხელისუფლების
მიმართ კრიტიკას საზოგადოება უპასუხებს. პრეზიდენტს მითვისებული
უფლებები ჩამოერთვა და პოლიტიკური სტაბილურობა დადგა ქვეყანაში.
ქვეყანას პოლიტიკური კრიზისის შიში აღარ აქვს", - განაცხადა ბიძინა
ივანიშვილმა.
როგორც პრემიერმა აღნიშნა, საკონსტიტუციო ცვლილებით ხალხს მთავრობის
კონტროლის ლეგიტიმური უფლება დაუბრუნდა.

პრემიერმინისტრი ბიძინა ივანიშვილი მიიჩნევს, რომ 2008 წლის აგვისტოში ქართულმა დანაყოფებმა საბრძოლო მოქმედებები მანამდე დაიწყეს, სანამ რუსეთი საქართველოს ტერიტორიაზე შემოვიდოდა.

საქართველოს იუსტიციის მინისტრი აგვისტოს ომთან დაკავშირებით
პრეზიდენტის დაკითხვის აუცილებლობაზე საუბრობს. როგორც თეა
წულუკიანმა განაცხადა, შესაძლოა მიხეილ სააკაშვილი დაკითხვის
პერიოდში პრეზიდენტი აღარ იყოს, თუმცა მასთან ერთად დაიკითხება
ბევრი სხვა მაღალჩინოსანიც, ვისი მისამართითაც კითხვები არსებობს.
მინისტრის ინფორმაციით, აგვისტოს ომის გამოძიება საქართველოს
საერთაშორისო ვალდებულებაა.
როგორც მინისტრმა განმარტა, პროკურატურაში მოძიებულია წინა
ხელისუფლების მიერ ჩატარებული გამოძიების ყველა მასალა.
“ჩვენ თავდაცვის სამინისტროსთანაც აქტიურად ვთანამშრომლობთ,
რადგან პროცესში ჩართული იყო არაერთი სამხედრო პირი, რომლებზეც
ჰააგაში კითხვები არსებობს", - აღნიშნა თეა წულუკიანმა.

აჭარის შს სამმართველოს უფროსს, ვალერი თელიას, ისე როგორც მისი უწყების
სხვა ყველა თანამშრომელს, ნარკოტესტზე შემოწმება ჩატარებული აქვს. ამის
შესახებ შინაგან საქმეთა მინისტრმა, ირაკლი ღარიბაშვილმა მთავრობის სხდომის
შემდეგ ჟურნალისტებს განუცხადა.
ღარიბაშვილის ცნობით, მისი ხელმძღვანელობით უწყების ყველა
თანამშრომელმა ნარკოტესტზე შემოწმება მისი შინაგან საქმეთა მინისტრად
დანიშვნისთანავე ჩაიტარა.
"მე არ ვიცი, რატომ ითხოვენ ჩემი თანამშრომლის ნარკოტესტზე შემოწმებას.
როგორ მოგეწონებათ, მე რომ საია-ს თანამშრომლების ნარკოლოგიური
შემოწმება მოვითხოვო. ალბათ გახსოვთ, რომ რამდენიმე თვის წინ მე ვიყავი
ინიციატორი, წავედი და პირველმა ჩავაბარე ნარკოტესტი. იგივე გააკეთა უწყების
ყველა თანამშრომელმა, მათ შორის - ვალერიან თელიამ. ასე რომ, მის მიმართ
ატეხილი ამბავი არის ძალიან სასაცილო", - განაცხადა ირაკლი ღარიბაშვილმა.
ამასთან, შს მინისტრი სამარცხვინოს უწოდებს გავრცელებულ ინფორმაციას,
თითქოს ვალერი თელია საავადმყოფოში ნარკოტიკების მიღების გამო მოხვდა.
"მას შეექმნა ჯანმრთელობის პრობლემა. სამარცხვინოა გუშინ გავრცელებული
ინფორმაცია, რომ ნარკოტიკები მოიხმარა და ამის გამო მოხვდა იქ. მე
შეგახსენებთ, რომ ამ ადამიანს 24 საათი აქვს გასწორებული ძალიან მალე
გამოვა კლინიკიდან და გააგრძელებს მუშაობას. ის რომ აჭარაში სიტუაცია არის
სტაბილური, არის მისი დამსახურება", - განაცხადა ირაკლი ღარიბაშვილმა.
ამასთან, მისივე თქმით, ყველას უნდა ახსოვდეს, რომ პოლიციელისადმი
მიყენებული სიტყვიერი შეურაცხყოფა არის დასჯადი.
"მეც არ მომეწონა, რაც მოხდა, მაგრამ ის არის ადამიანი, ამასთან ის ატარებს
პოლიციელის მუნდირს. ცალკე საკითხია, უნდა მომხდარიყო თუ არა ეს, მაგრამ
რა ამბავიც ატეხეს, ეს არის სასაცილო და ჭიქაში ატეხილი ქარიშხალი", - აღნიშნა
შს მინისტრმა და იქვე არასწორი უწოდა გავრცელებულ ინფორმაციას, თითქოს
თელია თანამდებობიდან გაათავისუფლა.
რაც შეეხება იმას, თუ რატომ არ მოხვდა გენინსპექციის დასკვნაში დეტალი, რომ
აჭარის პოლიციის მართვის მოწმობა არ ჰქონდა, ირაკლი ღარიბაშვილის თქმით,
ამაში პრობლემას ვერ ხედავს.
"რატომ უნდა მოხვედრილიყო გენერალური ინსპექციის დასკვნაში, რომ თელიას
მართვის მოწმობა არ ჰქონდა, ის ამის გამო დაისაჯა იმავე დღეს და დაჯარიმდა.
ყველაფრის გამო არ შეიძლება პრობლემა შევქმნათ, მით უმეტეს, როდესაც
ვითარება არის მკვეთრად გაუმჯობესებული", - აღნიშნა ირაკლი ღარიბაშვილმა.

ვანო მერაბიშვილმა ნაციონალური მოძრაობის ოფისში რაბათის ციხის შესახებ
საგანგებო ბრიფინგი გამართა:
"პირველი ოქტომბრის არჩევნების შემდეგ დღევანდელმა ხელისუფლებამ
საზოგადოებისთვის გაუგებარი მიზეზების გამო დაიწყო ბრძოლა რაბათის
ციხის წინააღმდეგ, თავდაპირველად 165-მა ადამიანმა დაკარგა სამსახური,
დარჩენილ პერსონალს კი დაუკლეს ხელფასი, დაკითხეს რიგი ადმაიანებისა და
საბოლოოდ მიიღეს გადაწყვეტილება, რომ შეიცვალოს რაბათის ციხის იერსახე,
გამოითქვა პრეტენზიები იმის შესახებ, რომ მთავრობა ციხისთვის ძველი
იერსახის აღსადგენად იბრძვის. ამ თვეების განმავლობაში ეს კომპლექსი იქცა
ახალციხის მოსახლეობისა და ამ რეგიონის ისტორიულ სახედ. მშენებლობის
შემდეგ გაიზარდა ადამიანების მიმოსვლა, მოვუწოდებ ახალ ხელისუფლებას,
თუ გნებავთ ვთხოვ, შეწყდეს ბრძოლა რაბათის წინააღმდეგ", - განაცხადა
მერაბიშვილმა. მისივე თქმით, თუ ხელისუფლება რაბათის ციხის წინააღმდეგ
ბრძოლას არ შეწყვეტს, თავად ჩამოაყალიბებს შესაბამის მოძრაობას და
იბრძოლებს ციხის გადასარჩენად:

საქართველოს ენერგეტიკის მინისტრი კახა კალაძე გავრცელებულ
ინფორმაციას, რომ მის მოადგილედ თურქი ბიზნესმენი ინიშნება,
უარყოფს და სისულელეს უწოდებს.
როგორც კალაძემ განaცხადა, ორჰან ბოსკანს საერთოდ არ იცნობს.
თურქული გამოცემა ki კალაძისა და ბოსაკნის ერთად გადაღებულ
ფოტოსაც აქვეყნებს და ამტკიცებს, რომ კალაძის სავარაუდო მოადგილე
თურქი ბიზნესმენი და ინჟინერი, ჰესების მშენებელი ორჰან ბოსკანია,
რომელსაც კახა კალაძესთან მეგობრობა აკავშირებს.

კომუნიკაციების მარეგულირებელი ეროვნული კომისია, სწრაფი გადახდის
აპარატებით სატელეფონო მომსახურების ბალანსის შევსების პირობების
ცვლილებასთან დაკავშირებით სამართლებრივ შეფასებას საკითხის
შესწავლის შემდეგ გააკეთებს, - ამის შესახებ კომისიის საზოგადოებასთან
ურთიერთობის სამსახურის უფროსმა, ხატია ყურაშვილმა განცხადა.
მისივე განმარტებით, ცვლილების შესახებ მობილურ ოპერატორებს
კომისიისთვის ჯერ არ უცნობებიათ. SegaxsenebT, სწრაფი გადახდის
აპარატებით სატელეფონო მომსახურების ბალანსის შევსების პირობები
იცვლება. მომხმარებლები დღეიდან თავად გადაიხდიან ბალანსის შევსების
საკომისიოს, რაც 4 %-ს შეადგენს.

"საქართველოს ბანკი" კი მისი ინტერნეტბანკის, მობილ-ბანკის,
ბანკომატებისა და თვითმომსახურების ტერმინალებით - Express Pay
მობილური ტელეფონის ბალანსის შევსების საკომისიოს არ ჩამოაჭრის.
სწრაფი გადახდის კომპანიები სატელეფონო მომსახურების
ბალანსის შევსებაზე აბონენტებისთვის 4 %-იანი საკომისიოს
დაწესებას "დანახარჯებს" უკავშირებენ. როგორც "თიბისი
ბანკის" საზოგადოებასთან ურთიერთობის სამსახურის უფროსმა
განაცხადა, მათი სწრაფი გადახდის კომპანიის, "თიბისი ფეის" მიერ
შესაბამისი მომსახურების გაწევა გარკვეულ დანახარჯებთანაა
დაკავშირებული. "თიბისი ფეის" შემთხვევაში საკომისიო 4 %-ით
განისაზღვრება. მისივე განმარტებით, მიუხედავად იმისა, რომ საკომისიოს
გადახდა დღეიდან მობილური კომპანიების ნაცვლად აბონენტებს უწევთ,
კომპანიას მისი შემცირება გაუჭირდება.
სწრაფი გადახდის კიდევ ერთი კომპანიის, "ნოვა ტექნოლოჯის"
განცხადებით, საკომისიოს აბონენტების მიერ გადახდის გადაწყვეტილება,
უშუალოდ მობილურმა კომპანიებმა მიიღეს.

მთავრობის მიერ ინიცირებულ კანონპროექტს, რომელიც "ოკუპირებული
ტერიტორიების შესახებ" კანონში ცვლილებების შეტანას გულისხმობს,
დღეს იურიდიულ საკითხთა კომიტეტში განიხილავენ.
ცვლილებები უცხო ქვეყნის მოქალაქეებისა და საქართველოს
მოქალაქეობის არმქონე პირებისათვის საქართველოს კანონის დარღვევით
ოკუპირებულ ტერიტორიებზე შესვლის სანქციების ცვლილებას
ითვალისწინებს.
კანონპროექტის მიხედვით, ოკუპირებულ ტერიტორიაზე უკანონოდ
შესვლა სისხლის სამართლებრივი დანაშაული აღარ არის. დამრღვევს
პირველ ჯერზე ადმინისტრაციული ჯარიმა დაეკისრება.
კანონპროექტს უარყოფითად აფასებენ უმცირესობაში. შოთა მალაშხიას
განცხადებით, კანონის დამრღვევი უნდა დაისაჯოს. მისი შეფასებით,
ცვლილებები ოკუპირებულ ტერიტორიაზე მყოფი მოსახლეობის

23 აპრილს, თურქეთში დაგეგმილ საერთაშორისო საბავშვო ფესტივალზე,
აფხაზეთი ქვეყნის სტატუსითაა მიწვეული.
ქვეყნების ჩამონათვალში, რომელიც ამ ფესტივალის ვებ-გვერდზეა
მითითებული, აფხაზეთი თავისი დროშით, ცალკეა მითითებული,
საქართველო კი ცალკე.
თურქეთში ფესტივალი ყოველ წელს ტარდება. შარშან იგივე ფესტივალზე
აჭარა ცალკე სახელმწიფოდ იყო წარმოდგენილი. სტამბულის
ქართული კულტურის სახლის და საქართველოს ხსნის საერთაშორისო
კავშირის "ნათლის მხედარის" საპროტესტო წერილი გაგზავნის
შემდეგ ორგანიზატორებმა ბოდიში მოიხადეს, ხოლო მცირე ხანში
ფესტივალის ორგანიზატორი მოხსნეს თანამდებობიდან. აღნიშნულ ფაქტს
ოფიციალური სტრუქტურებიდან რეაგირება არ მოჰყოლია.
ფესტივალი საკმაოდ მასშტაბურია და მასში ყოველწლიურად 40 ქვეყანა
მონაწილეობს. მიმდინარე წელს, ფესტივალში 50 ქვეყანა მიიღებს
მონაწილეობას.