პრეზიდენტ მიხეილ სააკაშვილის შეფასებით, საქართველოს მიერ მიღწეული პროგრესის გადახედვა ხდება. ამის შესახებ მიხეილ სააკაშვილმა ნიუ იორკში, ქართული დიასპორის წარმომადგენლებთან შეხვედრაზე განაცხადა და აღნიშნულის ერთ-ერთ მაგალითად ბათუმის ტექნოლოგიური უნივერსიტეტის შენობასთან დაკავშირებით ახალი ხელისუფლების მიერ მიღებული გადაწყვეტილება დაასახელა. "ბათუმში შევქმენით ძალიან მაგარი ტექნოლოგიური უნივერსიტეტი, რომელსაც წელს სტუდენტები უნდა მიეღო. იდეა იყო, რომ კავკასიაში ის ყველაზე ლამაზი და ყველაზე თანამედროვე შენობა უნდა ყოფილიყო. ეს იყო საქართველოს მომავლის განვითარების სიმბოლო, თუმცა რამდენიმე დღის წინ გამოცხადდა, რომ ამ გრანდიოზული შენობიდან უნივერსიტეტს გამოასახლებენ და შიგნით ჩაასახლებენ ბათუმის არაფრისმაქნის მერიას. ეს დაახლოებით ისეთია, ნიუ იორკის თავისუფლების კოშკში მანჰეტენის გამგეობა რომ შეასახლონ. ეს არის ერთი მაგალითი იმისა, როგორ ხდება გადახედვა მთავარი პროგრესის, რაც არის მიღწეული საქართელოში", - აღნიშნა სააკაშვილმა

პარლამენტის საპროცედურო საკითხთა კომიტეტის თავმჯდომარე ირინე იმერლიშვილი ამბობს, რომ პარლამენტმა შესაძლოა არ დაძლიოს პრეზიდენტის ვეტო ნაფიცმსაჯულების კანონპროექტზე.იმერლიშვილის თქმით, გუნდში აზრთა სხვადასხვაობაა, ამიტომ გაიმართება მსჯელობა და შემდეგ მიიღებენ გადაწყვეტილებას.კომიტეტის თავმჯდომარე განმარტავს პროცედურულ საკითხებსაც, მისი თქმით, შესაძლოა სამი ვარიანტი: პირველ შემთხვევაში პრეზიდენტის შენიშვნება პარლამენტმა გაითვალისწინოს და ვეტო არ დასძლიოს. შესაბამისად კანონი ამოქმედდება პრეზიდენტის შენიშვნებით; მეორე შემთხვევაში პრეზიდენტის შენიშვნები არ გაითვალისწინოს და ვეტო დასძლიოს; და ბოლოს არც პრეზიდენტის შენიშვნები გაითვალისწინოს და არც ვეტო დასძლიოს. შესაბამისად ძალაში დარჩება ის კანონი რომელიც ამჟამად მოქმედებს. რაც შეეხება საერთო სასამართლოების შესახებ კანონპროექტს, იმერლიშვილის თქმით, უმრავლესობისთვის ძალიან მნიშვენოვანია სასამართლო რეფორმა ამიტომ ამ ვეტოს დასძლევს.

აფხაზეთის ავტონომიური რესპუბლიკის მთავრობის თავმჯდომარის სავარაუდო კანდიდატებთან შეხვედრები გრძელდება.

ამის შესახებ აფხაზეთის ავტონომიური რესპუბლიკის უმაღლესი საბჭოს თავმჯდომარემ გია გვაზავამ განაცხადა. მისივე ინფორმაციით თავმჯდომარის მოვალეობის შემსრულებლად დანიშნულ კანდიდატს ვახტანგ ყოლბაიას აფხაზეთის ავტონომიური რესპუბლიკა ერთსულოვნად მხარს უჭერს.

ამ საკითხთან დაკავშირებით ამ ეტაპზე პრეზიდენტთან მოლაპარაკებები მიმდინარეობს. შეგახსენებთ პრეზიდენტმა წერილი აფხაზეთის ავტონომიური რესპუბლიკის უმაღლესი საბჭოს თავმჯდომარეს გია გვაზავას გაუგზავნა.სადაც ნათქვამია რომ იგი ვახტანგ ყოლბაიას აღნიშნულ პოზიციაზე დანიშვნას არასწორად მიიჩნევს

სასტუმრო "თბილის მარიოტში" საქართველო-უკრაინის ბიზნეს-ფორუმი მიმდინარეობს. ფორუმ უკრაინის ეკონომიკური და ბიზნეს სექტორის წარმომადგენლების გარდა, საქართველოს მთავრობის ეკონომიკური გუნდის პირველი პირები ესწრებიან. 50 მდე უკრაინული კომპანია ესწრება ბიზნეს ფორუმს. ისინი წარმოადგენენ საბანკო, სოფლის მეურნეობის, საინფორმაციო ტექნოლოგიების და სხვა სფეროებს.

ფორუმი საქართველოს პრემიერ-მინისტრმა ბიძინა ივანიშვილმა გახსნა.

,,აუცილებლად გვექნება სუფთა კონკურენტუნარიანი და დამოუკიდებელი გარემო . ვერც ერთი ჩინოვნიკი ვერც ერთ შემთხვევაში ვერ გაბედავს ჩაერიოს კერძო საკუთრებაში. ჩინოვნიკების დანიშნულება იქნება მხოლოდ ხელი შეუწყოს ბიზნესმენებს და ნებისმიერ ბიზნესს მაქსიმალურად. პორობები იქნება არანაკლები იმ ქვეყნებთან შედარებით, რომლებიც თქვენ კარგად იცით, ვიდრე არის ამერიკასა და ევროპის ქვეყნებში", - განაცხადა პრემიერ-მინისტრმა.

მისივე თქმით, საქართველოში ბიზნესგარემო იქნება ისეთივე თავისუფალი, როგორიც არის ყველა განვითარებულ ქვეყანაში.

"ჩემი ინიციატივით იქნება სამი ფონდი, რომელიც ჩადგება ბიზნესის სამსახურში და საინტერესოს გახდის ჩვენ ბაზარს. ყველაზე საინტერესო იქნება თანაინვესტირების ფონდი, რომელსაც ბაჩიაშვილი კურირებს" , - განაცხადა ბიძინა ივანიშვილმა.

მისივე თქმით, საქართველოში კომპლექსური გადასახადი არის 16% და ამ მხრივ ქვეყანა არის მეოთხე ადგილზე, რაც ძალიან მნიშვნელოვანია.

პრემიერი ბიზნესმენებს ყველა პრობლემის მოგვარებას თავად დაჰპირდა და განაცხადა, რომ საქართველოში ბიზნესის წარმოება აუცილებლად გაიოლდება.

"ევროპის განვითარებული ქვეყნებისგან განსხვავებით საქართველოს ბაზარი არის ცარიელი და შესავსები, ბიზნესის წარმოება იქნება გაცილები იოლი, ვიდრე არის ევროპასა და ამერიკაში", - აღნიშნა ბიძინა ივანიშვილმა

პრეზიდენტი მიხეილ სააკაშვილი პრემიერმინისტრ ბიძინა ივანიშვილს მოუწოდებს ბათუმის ტექნოლოგიურ უნივერისტეტში მერიის "შესახლების" შესახებ გადაწყვეტილებას გადახედოს.შესაბამისი განცხადება პრეზიდენტის "ფეისბუკის" ოფიაციალურ გვერდზე გავრცელდა."2012 წელს ბათუმში ამერიკული ტექნოლოგიური უნივერსიტეტის მშენებლობა დასრულდა. საქართველოს მთავრობამ ამ პროექტში რამდენიმე ათეული მილიონი ლარი ჩადო და ამერიკის მთავრობის პროგრამით, დამატებით, 50-დან 100 მილიონ დოლარამდე უნდა მიგვეღო ერთ-ერთი წამყვანი ამერიკული ტექნოლოგიური უნივერსიტეტის შემოსაყვანად. ამ უნივერსიტეტისთვის შენობა ქართველმა არქიტექტორმა დააპროექტა და ქართველმა მშენებლებმა ააშენეს. ეს იქნებოდა საქართველოს ნამდვილი სიამაყე - უნივერსიტეტი, რომელიც კავკასიაში ყველაზე მაღალ შენობაში დაიდებდა ბინას, ჩვენს ქვეყანას მოუმზადებდა თანამედროვე ტექნოლოგიების სპეციალისტებს. მსგავსი მსოფლიო დონის სასწავლო დაწესებულება საქართველოში პირველი იქნებოდა და იქ ქართველი სტუდენტების უმეტესობა სწავლას უფასოდ შეძლებდა. ეს ასე იყო ჩაფიქრებული. ამ დღეებში საქართველოს ახალი მთავრობის კატასტროფული გადაწყვეტილების შესახებ შევიტყე - აღარ განათავსონ ქვეყნის ყველაზე გრანდიოზულ შენობაში უნივერსიტეტი და მის ნაცვლად იქ შეასახლონ ბათუმის მერია. ბათუმში მერიას უკვე ჰქონდა დიდი და კომფორტული შენობა, მაგრამ ამასაც რომ თავი დავანებოთ, მსოფლიოს ყველა ნორმალური ქვეყნის მერია იოცნებებდა თავის ქალაქში მსგავსი უნივერსიტეტის გახსნაზე, რადგან ის მოიტანდა განვითარებას და ხელს შეუწყობდა ქალაქის მოსახლეობის კეთილდღეობას. და რა სარგებელი შეიძლება მოიტანოს მერიის იქ გადასვლამ? - საერთოდ არაფერი! თუ მთავრობას განათლების ახალი კერის გაჩენა ასე მხოლოდ იმიტომ აღიზიანებს, რომ ის ჩემს სახელს უკავშირდება, ამ შენობის გაყიდვა შეეძლოთ და ბათუმის ბარაკების მცხოვრებთათვის ბინების მიცემა (ამ პროგრამის განხორციელება ბიუჯეტში გვქონდა გათვალისწინებული და მისი

მრავალგზის შესწორების საფუძველზე, საბოლოოდ, საერთოდ ამოაგდეს). სამწუხაროდ, მიწევს იმის თქმა, რომ ეს გადაწყვეტილება დამანგრეველი და არაცივილიზებულია და მიმართულია ჩვენი ქვეყნის მომავლის წინააღმდეგ. ეს არის გადაწყვეტილება, რომელიც თალიბებისგან უფრო იქნებოდა მოსალოდნელი, ვიდრე 21-ე საუკუნის ევროპული ქვეყნის მთავრობისგან. მოვუწოდებ პრემიერ-მინისტრს გადახედოს ამ გადაწყვეტილებას!" - აღნიშნულია მიხეილ სააკაშვილის განცხადებაში

საქართველო ნატო-ს ავღანეთიდან ტვირთების გადაზიდვას ბაქო-თბილისი-ყარსის სარკინიგზო ხაზით სთავაზობს. საგარეო საქმეთა სამინისტროს ინფორმაციით, ამის შესახებ საქართველოს საგარეო საქმეთა მინისტრმა მაია ფანჯიკიძემ ნატოს მინისტერიალზე ISAF-ის შეხვედრის კომენტირებისას განაცხადა. მინისტრის თქმით, ISAF-ის შეხვედრაზე მან ავღანეთის მისიაში საქართველოს მონაწილეობაზე ისაუბრა. როგორც ფანჯიკიძემ აღნიშნა, ამჟამად, საქართველო ავღანეთში 1700-მდე სამხედრო მოსამსახურით არის წარმოდგენილი და 2014 წლის შემდეგაც გააგრძელებს ავღანეთში საკუთარ კონტრიბუციას. მინისტრის განცხადებით, შეხვედრაზე მან კიდევ ერთხელ ისაუბრა მთავრობის ინიციატივაზე და ალიანსის ავღანეთიდან ტვირთების უკუ-ტრანზიტისათვის ბაქო-თბილისი-ყარსის სარკინიგზო ხაზი შესთავაზა. "ჩვენ ამ საკითხზე ყოველთვის ვსაუბრობთ ნატოელ პარტნიორებთან. პირველად ეს ინიციატივა ნატო-ს გენერალურ მდივანთან შეხვედრის დროს პრემიერ-მინისტრმა გააჟღერა. ინტერესი ამ სარკინიგზო მონაკვეთის მიმართ ძალიან დიდია. თურქეთის საგარეო საქმეთა მინისტრმაც აღნიშნა ამის შესახებ საკუთარ გამოსვლაში. ანუ ეს არის სამი ქვეყნის ერთობლივი პროექტი, რომელიც ნატო-სთვის შეიძლება იყოს საინტერესო. როდესაც 2014 წლის შემდეგ დაიწყება ავღანეთიდან სამხედრო შენაერთების გაყვანა და სამხედრო ტვირთების გამოტანა, ეს არის უმოკლესი და შეღავათიანი გზა. ამიტომ, ეს დადებითად იქნა აღქმული დღევანდელ შეხვედრაზეც. დარწმუნებული ვარ, ეს წინადადება მისაღები გახდება ნატო-სთვის", - განაცხადა მაია ფანჯიკიძემ. საქართველოს საგარეო საქმეთა მინისტრმა ნატოს მინისტერიალში მიიღო მონაწლეობა. მაია ფანჯიკიძე ISAF-ის წევრი ქვეყნების შეხვედრაზე სიტყვით გამოვიდა.

აშშ-ში შეხვედრებს გამართავს მიხეილ სააკაშვილი ამერიკის შეერთებულ შტატებში გამგზავრებას გეგმავს, სადაც ორმხრივ შეხვედრებს გამართავს, მათ შორის ვიცე-პრეზიდენტ ჯოზეფ ბაიდენს შეხვდება. ასევე მიწვეულია ჯორჯ ბუშის საპრეზიდენტო ცენტრის გახსნაზე. მიხეილ სააკაშვილი მონაწილეობას მიიღებს ჯონ მაკკეინის ინიციატივით მოწყობილ ფორუმში. დაგეგმილია მისი შეხვედრა სახელმწიფო მდივან ჯონ ქერისთანაც, რომელიც ამ რანგში პირველად შეხვდება

პრეზიდენტ სააკაშვილს. უახლოეს მომავალში ამერიკაში პრემიერ-მინისტრის ვიზიტიც იგეგმება.

დეპუტატი კობა დავითაშვილი მის მიმართ პრემიერ-

მინისტრ ბიძინა ივანიშვილის საყვედურს არ იზიარებს

და საკუთარ არგუმენტებს იცავს.ის აცხადებს,რომ

გუნდურობის პრინციპი არ დაურღვევია. ამასთან,

დავითაშვილი პრემიერ-მინისტრთან სატელეფონო

საუბარზე საჯაროდ საუბრისგან თავს იკავებს.

დეპუტატის მხრიდან ჯანდაცვის უწყებისადმი

არსებული შენიშვნები და პოზიციები კვლავ უცვლელი

რჩება. კობა დავითაშვილის განცხადებით, ის თავს

დამნაშავედ არ მიიჩნევს და მმართველი გუნდიდან

წასვლას არ აპირებს. უმრავლესობაში აცხადებენ, რომ

სერგეენკოს მიმართ დავითაშვილის ბრალდებებს არ

იზიარებენ, თუმცა ჯანდაცვის მინისტრი შესაძლოა

პარლამენტში კვლავ დაიბარონ. კობა დავითაშვილის

საკითხი კი პოლიტსაბჭოს სხდომაზე დადგება. სხდომა

მას შემდეგ გაიმართება, რაც ბიძინა ივანიშვილი

საქართველოში დაბრუნდება.

საქართველოს საგარეო საქმეთა მინისტრი ბრიუსელშია.
მაია ფანჯიკიძე ბრიუსელში ნატო-ს მინისტერიალზე
დასასწრებად გაემგზავრა, სადაც "აისაფის" სხდომაში
მიიღებს მონაწილეობას.ფანჯიკიძე ორმხრივ შეხვედრებს
გამართავს. მათ შორის შეხვდება ამერიკის შეერთებული
შტატების სახელმწიფო მდივან ჯონ ქერის. შეხვედრაზე
საუბარი შეეხება ამერიკისა და საქართველოს
ურთიერთობებს და ქარტიის ფარგლებში მუშაობის
კონკრეტულ საკითხებს.

NDI-ის კვლევის თანახმად, საქართველოს პრემიერ-მინისტრი ბიძინა ივანიშვილი
გამოკითხულთა 75%-ს მოსწონს, პრეზიდენტი მიხეილ სააკაშვილი კი -
25%-ს. როგორც NDI-ის საქართველოს ოფისის დირექტორმა ლუის ნავარომ
სასტუმრო "ქორთიარდ მარიოტში" გამართულ პრეზენტაციაზე განაცხადა, ბიძინა
ივანიშვილის მოწონების მაჩვენებელი, წინა კლვლევასთან შედარებით, 5%-ით
შემცირდა. პრემიერი ნოემბერში გამოკითხულთა 80% მოსწონდა.
NDI-ის კვლევის თანახმად, საქართველოს მოსახლეობაში სრულიად
საქართველოს კათოლიკოს-პატრიარქის, მცხეთა-თბილისის მთავარეპისკოპოსის,
ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის
გარდა, თითქმის ყველა პიროვნების მოწონების რეიტინგმა დაიკლო. კვლევის
მიხედვით, გამოკითხულთა 92% აცხადებს, რომ პატრიარქი მოსწონს.
კვლევის თანახმად, თითქმის არ შეცვლილა პარლამენტის თავმჯდომარის
დავით უსუფაშვილისა და უმცირესობის ლიდერის დავით ბაქრაძის რეიტინგები.
უსუფაშვილი მოსახლების 66% მოსწონს, ხოლო ბაქრაძე - 48%.
რაც შეეხება პრეზიდენტის რეიტინგს, მიხელ სააკაშვილი გამოკითხულთა 25%
მოსწონს.
NDI-ის კვლევის საველე სამუშაოები 13-27 მარტის პერიოდში საქართველოს
მასშტაბით 3103 პირისპირ ინტერვიუს წარმომადგელობითი შერჩევის
საფუძველზე ჩატარდა. ცნობისთვის, NDI-ის კვლევებს შვედეთის საერთაშორისო
განვითარების და თანამშრომლობის სააგენტო (Sida) აფინანსებს და კავკასიის
კვლევითი რესურსების ცენტრი (CRRC) ატარებს.

NDI-ის კვლევის მიხედვით, გამოკითხული მოსახლეობის 56% მიიჩნევს,
რომ ყველაზე ძლიერი ოპოზიციური პარტია არის "ერთიანი ნაციონალური
მოძრაობა", - ამის შესახებ ნათქვამია კვლევაში, რომლის პრეზენტაციაც
სასტუმრო "ქორთიარდ მარიოტში" NDI-ის ოფისის ხელმძღვანელმა
საქართველოში ლუის ნავარომ გამართა.
კითხვაზე, რომელ პოლიტიკურ პარტიას მიიჩნევთ ყველაზე ძლიერ
ოპოზიციურ პარტიად, 56% აცხადებს, რომ ეს არის "ნაციონალური
მოძრაობა", 6% ამბობს, რომ "ქართული ოცნება", "ლეიბორისტული პარტია"-
2%, "ქრისტიან-დემოკრატიული მოძრაობა" – 1%, "თავისუფალი საქართველო" –
1%, "დემოკრატიული მოძრაობა თავისუფალი საქართველო" – 1%.
NDI-ის კვლევა 13-27 მარს ჩატარდა და სულ გამოიკითხა 3103 ადამიანი.