ნატო გეგმავს კავკასიას მეტი ყურადღება დაუთმოს - განაცხადა ჯეიმს აპატურაიმ

პიატიგორსკში რუსეთის დიპლომატიური უწყებისა და ნატოს საინფორმაციო ცენტრის დახმარებით გამართულ  საერთაშორისო კონფერენციაზე  „რეგიონალური უსაფრთხოების ახალი გამოწვევები“. კონფერენციაზე,  ბრიუსელთან ვიდეოხიდის საშუალებით,  პოლიტიკურ და უსაფრთხოების საკითხებში ნატოს გენერალური მდივნის თანაშემწეს ჯეიმს აპატურაის ჩაერთო და აღნიშნა, რომ რუსეთი და ნატო ურთიერთკავშირების გაძლიერებით არიან დაინტერსებულნი: “არსებობს საკითხები, რაშიც ჩვენ ვერ ვთანხმდებით, მაგალითად საქართველო და რაკეტსაწინააღმდეგო თავდაცვითი სისტემა. თუმცა, სინამდვილეში კეთდება იმაზე, მეტი ვიდრე გარედან სჩანს.“მან ასევე აღნიშნა, რომ ნატო აპირებს მეტი ყურადღების და ძალისმხევის მიმართვას კავკასიის მისამართით:“ამ რეგიონს შესაფერისი ყურადღება არ ეთმობა. ეს მნიშვნელოვანი რეგიონია, ჩვენ უნდა დავეხმაროთ რუსეთს და ამ რეგიონის მოსახლეობას - ჩვენ კავკასიას შესაფერისი ყურადღება უნდა დავუთმოთ,“-აღნიშნა ჯეიმს აპატურაიმ.

საქართველოს პრეზიდენტი უშიშროების საბჭოს მორიგ სხდომას იწვევს, თუმცა თარიღზე შეთანხმებას პრემიერ-მინისტრის აპარატს სთავაზობს.

სხდომის მთავარი განსახილველი საკითხები ბოლო კვირის განმავლობაში განვითარებული მოვლენები იქნება.

აპარატის ინფორმაციით, პრეზიდენტი მზადაა,ზუსტი თარიღი პრემიერ-მინისტრის აპარატთან შეთანხმების შესაბამისად, მომავალ კვირას დანიშნოს.

უშიშროების საბჭოს სხდომას დაესწრება თავდაცვის მინისტრი. მიიღებს თუ არა საბჭოს სხდომაში მონაწილეობას პრემიერი, ჯერჯერობით უცნობია.

უშიშროების საბჭოს დანიშვნას ეხმიანება საპარლამენტო ოპოზიციაც. როგორც უმცირესობის წარმომადგენელი სერგო რატიანი აცხადებს, მნიშვნელოვანია, რომ პრეზიდენტმა პრემიერს მისცა იმის საშუალება, რომ მან დაადგინოს საბჭოს შეკრების დღე.

ავღანეთში მომხდარი ტერაქტის დროს დაღუპული 7 ქართველი ჯარისკაცის ცხედარი თბილისში დაახლოებით ღამის სამ საათზე ჩამოასვენეს.

ავღანეთში დაღუპული ქართველი სამხედრო მოსამსახურეების სამოქალაქო პანაშვიდი 9 ივნისს, 19:00 სათზე სამების საკათედრო ტაძარში გაიმართება.

ავღანეთში დაღუპული 7 ქართველი ჯარისკაცის ჩამოსვენების ცერემონიალის მონაწილეებმა თბილისის აეროპორტში კომენტარები გააკეთეს.

საქართველოს პრეზიდენტი მიხეილ სააკაშვილი თბლისის აეროპორტში, ავღანეთში დაღუპული ქართველი სამხედროების ჩამოსვენების ცერემონიალში მონაწილეობის მისაღებად სამგლოვიარო სამკერდე ნიშნით მივიდა.

წინასწარი ინფორმაციით, ხუთი ადამიანი დაიღუპა და რამდენიმე დაიჭრა აშშ-ში, ლოს-ანჟელესის ერთერთ გარეუბანში სროლის შედეგად, რომელიც 20 წლის ახალგაზრდა მამაკაცმა წამოიწყო.

საქართველოს თავდაცვის მინისტრმა, ირაკლი ალასანიამ ავღანეთში დაჭრილი ქართველი სამხედროები მოინახულა. ამის შესახებ ინფორმაცია და ფოტომასალა სოციალურ ქსელ "ფეისბუქზე" თავდაცვის სამინისტროს ოფიციალურ გვერდზე გავრცელდა.

"სამხრეთ-დასავლეთ რეგიონალური სარდლობის ხელმძღვანელთან, გენერალ-მაიორ უოლტერ მილერთან ერთად, თავდაცვის მინისტრმა დაჭრილი სამხედროები მოინახულა. ირაკლი ალასანიამ ქართველ სამხედროების ჯანმრთელობის მდგომარეობის შესახებ ინფორმაცია მათი მკურნალი ექიმებისგან პირადად მიიღო. თავდაცვის უწყების ხელმძღვანელი დაჭრილ სამხედროებს გაესაუბრა. მან ჯარისკაცებს მალე გამოჯანმრთელება უსურვა",აღნიშნულია სამინისტროს ინფორმაციაში.

6 ივნისს ავღანეთში შვიდი ქართველი სამხედრო მოსამსახურე დაიღუპა, 9 კი დაიჭრა.

ოფიციალური ინფორმაციით, ჰელმანდის პროვინციაში, ქართულ მოწინავე ბაზასთან თავი თვითმკვლელმა ტერორისტმა აიფეთქა. გარდაცვლილები არიან: კაპრალი თეიმურაზ ორთავიძე, კაპრალი გიორგი ადამოვი, პირველი კლასის რიგითი ზურაბ გურგენაშვილი, რიგითი მიხეილ ნარინდოშვილი, რიგითი ბორის ცუგოშვილი, პირველი კლასის რიგითი ზვიად სულხანიშვილი, პირველი კლასის რიგითი გიორგი ღუჭაშვილი.

ავღანეთში ქართველი სამხედროების დაღუპვის გამო საქართველოსა და ქართველ ხალხს მიუსამძიმრეს აშშ-ის ელჩმა საქართველოში რიჩარდ ნორლანდმა და ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ.

"ძალიან დამამწუხრა დღეს ავღანეთში შვიდი მამაცი ქართველი ჯარისკაცის დაღუპვამ. ჩემი ქვეყნის სახელით გულწრფელად თანავუგრძნობ დაღუპულთა ოჯახებს, აგრეთვე ქართველ ხალხსა და სახელმწიფოს. ამ ჯარისკაცებს თავს დაესხნენ, რადგან ისინი ძლიერები არიან; იბრძვიან თავდაუზოგადავად და უშიშრად, ყველაქართველისათვის დამახასიათებელი სიმამაცითა და გმირობით; იბრძვიან ამერიკელი საზღვაო ქვეითებისა და ავღანეთის ჯარის მხარდამხარ, როგორც მათი ტოლ-სწორნი, მეგობრები და ძმები; იბრძვიან ჩვენი საერთო ღირებულებების დასაცავად“, - ნათქვამია აშშ-ის ელჩის სამძიმრის წერილში.

„ღრმა მწუხარებით ვუცხადებ თანაგრძნობას ქართველ ხალხს იმ დანაკარგისთვის, რომელიც დღეს განიცადეს. საშინელებაა, განსაკუთრებით იმ ფონზე, როცა ეს ხდება ამასწინანდელი მსხვერპლიდან ცოტა ხანში. სრულ სოლიდარობას გიცხადებთ ნატოსგან", - წერს ჯეიმს აპატურაი "ფეისბუკის" საკუთარ გვერდზე.

ასევე, სატელეფონო საუბარში საქართველოს თავდაცვის მინისტრ ირაკლი ალასანიას სამძიმარი გამოუცხადეს ნატოს გენერალური მდივნის მოადგილემ ალექსანდრე ვერშბოუმ,  ჯეიმს აპატურაიმ და ევროპის გაერთიანებული სარდლობის ხელმძღვანელმა, გენერალმა ფილიპ მარკ ბრიდლავმა, რომლებმაც ღრმა მწუხარება გამოთქვეს მომხდარი ტრაგედიის გამო და 7 ქართველი დაღუპული გმირის ოჯახებს მიუსამძიმრეს.

საქართველოში გლოვის დღეა. დროშები უკვე დაუშვეს ყველა სახელმწიფო უწყების შენობაზე - პრეზიდენტის სასახლე, სამინისტროები, დედაქალაქის მერია, საზღვარგარეთ მოქმედი საქართველოს ყველა დიპლომატიური წარმომადგენლობა.

პრეზიდენტმა 7 ივნისი გლოვის დღედ გამოაცხადა. ჰელმანდის პროვინციაში მომხდარ ტერორისტულ თავდასხმას საქართველოს 7 სამხედრო მოსამსახურე ემსხვერპლა. დაჭრილია 9 ჯარისკაცი. 

ოფიციალური ინფორმაციით, ჰელმანდის პროვინციაში, ქართულ ბაზასთან თავი თვითმკვლელმა ტერორისტმა აიფეთქა. თავდასხმის დროს დაიჭრა საქართველოს შეიარაღებული ძალების 9 სამხედრო მოსამსახურე. 

ავღანეთში დაღუპული 7-ვე ჯარისკაცი მე-4 ქვეითი ბრიგადის 42-ე მსუბუქი ქვეითი ბატალიონის სამხედრო მოსამსახურე იყო. 
კაპრალი თეიმურაზ ორთავიძე, კაპრალი გიორგი ადამოვი, პირველი კლასის რიგითი ზურაბ გურგენაშვილი, რიგითი მიხეილ ნარინდოშვილი, რიგითი ბორის ცუგოშვილი, პირველი კლასის რიგითი ზვიად სულხანიშვილი და გიორგი ღუჭაშვილი მისიის შესასრულებლად ავღანეთში 2013 წლის აპრილში გაემგზავრნენ. 

საქართველოს თავდაცვის სამინისტრო ღრმა მწუხარებას გამოთქვამს და სამძიმარს უცხადებს მათ ოჯახებს. თავდაცვის მინისტრი ავღანეთში ჩავიდა. ირაკლი ალასანია დაჭრილ სამხედროებს მოინახულებს. თავდაცვის უწყების ხელმძღვანელი ადგილზე, პრემიერთან შეთანხმებით, ბრიუსელიდან გაემგზავრა. 

ალასანია უკვე შეხვდა ავღანეთის ისლამური რესპუბლიკის თავდაცვის მინისტრს. ბისმელა მოჰამადმა მწუხარება გამოთქვა ქართველი სამხედროების დაღუპვის გამო. მან ასევე მადლობა გადაუხადა საქართველოს თავდაცვის მინისტრს ქართული ჯარის თავდადებისა და ტერორიზმის წინააღმდეგ აქტიური და პროფესიონალური ბრძოლისთვის. ორი ქვეყნის მინისტრებმა ავღანეთში ამ დროისთვის არსებული ვითარება და მოქმედების სამომავლო გეგმები დეტალურად განიხილეს. 

დაჭრილი სამხედროების ჯანმრთელობის მდგომარეობა დამაკმაყოფილებელია. ჯარისკაცები ამ დროისთვის ბაზა "ბასტიონზე", მთავარ ჰოსპიტალში მკურნალობენ. ქართული ბატალიონების დისლოკაციის ადგილებზე კი საგანგებო ზომებია მიღებული. 

თავდაცვის სამინისტროს ინფორმაციით, ქართველი სამხედროები ამ დროისთვის სიტუაციას სრულად აკონტროლებენ. დაღუპულების ოჯახების წევრებს კი მომხდარის შესახებ გუშინ, საღამოს 7 საათისთვის შეატყობინეს.