ვანო მერაბიშვილს საკანში ტელევიზორი და გაზეთები ესაჭიროება - კჟიშტოფ ლისეკი

ევროპარლამენტის დელეგაციის წარმომადგენლის, პოლონელი დეპუტატის კჟიშტოფ ლისეკის ინფორმაციით ვანო მერაბიშვილს საკანში ტელევიზორი და გაზეთები ესაჭიროება. როგორც ლისეკმა ვანო მერაბიშვილთან შეხვედრის შემდეგ განაცხადა „ნაციონალური მოძრაობის“ გენერალურ მდივანს ამის კანონიერი უფლება აქვს და ამიტომ ის პირადად მიმართავს ისუტიციის მინისტრს , რომ მერაბშვბილს საკანშ ტელევიზორი და გაზეთები შეუტანონ. მისივე განცხადებით მერაბიშვილი ოპტიმისტურად არის განწყობილი და ჰგონია, რომ მალე გათავისუფლდება. ლისეკი გაკვირვებულია, რომ მას არ აქვს ოჯახის წევრებთან შეხვედრის და წერილის დაწერის საშუალება. კჟიშტოფ ლისეკის განცხადებით ვანო მერაბიშვილი ნორმალურ პირობებშია თუმცა მას სეირნობის უფლებას მხოლოდ ნახევარი საათი აძლევენ

შეგახსენებთ, რომ პოლონელი დეპუტატი სასჯელაღსრულების დაწესებულებაში 9 საათზე მივიდა.

ნაციონალური მოძრაობა რუსეთის მხრიდან საოკუპაციო ხაზის გადმოწევასთან დაკავშირებით საპარლამენტო უმრავლესობას თანამშრომლობას სთავაზობს

რუსეთის მხრიდან საოკუპაციო ხაზის გადმოწევასთან დაკავშირებით, "ნაციონალური მოძრაობა" საპარლამენტო უმრავლესობას კონსულტაციებს და თანამშრომლობას სთავაზობს.

 

 

პოლიტიკური ოპონენტებისადმი შეთავაზებებზე უმცირესობის ლიდერმა, დავით ბაქრაძემ საგანგებო ბრიფინგზე ისაუბრა. როგორც ბაქრაძემ განაცხადა, მიუხედავად ხელისუფლებასა და ოპოზიციას შორის ძალიან დიდი განსხვავებებისა, ქვეყანაში უნდა არსებობდეს თემები, რომელთა შემთხვევაშიც ყველა პოლიტიკოსს შეუძლია ერთი და იგივე პოზიციის დაკავება, ქვეყნის ინტერესებიდან გამომდინარე.

"დარწმუნებული ვარ, დეოკუპაციასთან და ქართულ-რუსულ ურთიერთობებთან დაკავშიარებული პროცესები სწორედ ასეთ თემას მიეკუთვნება. მივესალმებით ხელისუფლების მცდელობას, მოახდინოს ურთიერთობის ნორმალიზება რუსეთთან. ვფიქრობთ, რომ ამან შეიძლება, კონკრეტული სარგებელი მოუტანოს ჩვენ ხალხს, რასაც ბუნებრივია მხარს ვუჭერთ, მაგრამ ასევე მინდა პრინციპულად განვაცხადო - ნორმალიზების მცდელობა არ უნდა გადაიქცეს იმ ტიპის განცხადებებად, როგორიც ჩვენ მოვისმინეთ ზოგიერთი მინისტრის მხრიდან ამ დღეებში, რაც პრაქტიკულად ამართლებდა ოკუპაციას. საუბარი იყო იმაზე, რომ უბრალოდ რუკების დაზუსტება ხდება GPS-ებით და არაფერი ახალი და საგანგაშო არ არის. ერთი მხრივ, ჩვენ მხარს ვუჭერთ ნორმალიზებას, მეორე მხრივ კი უნდა გავაგებინოთ რუსეთის, რომ ამ საოკუპაციო ზოლის გადმოტანა, მთლიანობაში ამ ზოლის არსებობა მთელი ქართული პოლიტიკური სპექტრისთვის არის მიუღებელი", - განაცხადა დავით ბაქრაძემ.

 

 

მან საპარლამენტო უმრავლესობის მისამართით მომავალი პლენარული კვირისთვის შეთავაზებები გააკეთა.

"პირველი - ჩვენ მზად ვართ, ჩავატაროთ კონსულტაციები უმრავლესობასთან, შევაჯეროთ პოზიციები და მათთან ერთად მივიღოთ საპარლამენტო რეზოლუცია -მიმართვა ჩვენი პარტნიორი ქვეყნების პარლამენტების და საერთაშორისო საპარლამენტო ორგანიზაციების მიმართ. ეს იქნება უმცირესობის და უმრავლესობის ერთიანი და შეჯერებული პოზიცია იმასთან დაკავშირებით, რომ დაუშვებელია საქართველოს ტერიტორიების ოკუპაცია და ნებისმიერი ფორმით ე.წ. საოკუპოციო საზღვრის ხაზის გადატანა, როგორც ამას დღეს აკეთებს რუსეთი", - განაცხადა დავით ბაქრაძემ.

უმცირესობის ლიდერმა იმედი გამოთქვა, რომ უმცირესობის ინიციატივას საპარლამენტო უმრავლესობა პოზიტიურად გამოეხმაურება.

 

ნატო მიესალმება, რომ პარლამენტმა შეძლო კოჰაბიტაცია - აპატურაი

ნატო მიესალმება, რომ პარლამენტმა შეძლო კოჰაბიტაცია, - ამის შესახებ ჟურნალისტებს კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ საქართველოს პარლამენტის თავმჯდომარე დავით უსუფაშვილთან შეხვედრის შემდეგ განაცხადა.
"დავით უსუფაშვილს პირველად მაშინ შევხვდი, როცა ოპოზიციაში იყო. ახლა მინდა მივულოცო, რომ ძალიან მნიშვნელოვან როლს ასრულებს. ჩვენ განვიხილეთ ბევრი საკითხი, გვქონდა შესანიშნავი შეხვედრა. მინდა ვთქვა, რომ ნატო მიესალმება იმას, რომ პარლამენტმა შეძლო კოჰაბიტაცია. ასევე ვისაუბრეთ საქართველოში ჩრდილოატლანტიკური საბჭოს ვიზიტთან დაკავშირებით. საბჭოს გენერალურ მდივანს შეხვედრა ექნება დავით ბაქრაძესთან და დარწმუნებული ვარ, რომ კოჰაბიტაციის სურვილი მასზეც იქნება დადასტურებული", - განაცხადა ჯეიმს აპატურაიმ.
მისივე შეფასებით, საქართველოს პარლამენტმა ბოლო თვეებში არაერთი მნიშვნელოვანი გადაწყვეტილება მიიღო, რომელთა შორისაც ნატო-ს გენერალური მდივნის სპეციალურმა წარმომადგენელმა საკონსტიტუციო ცვლილებებიც დაასახელა.
"ასევე ძალიან მნიშვნელოვანია პარლამენტის მხრიდან იმის გაცხადება, რომ საგარეო კურსი და ქვეყნის ევროატლანტიკური მისწრაფებები არის უცლელი", - აღნიშნა აპატურაიმ.

თბილისს ევროპის პარლამეტის დელეგაცია სტუმრობს

თბილისში ევროპის პარლამენტის საგანგებო დელეგაცია ჩამოვიდა. ევროპარლამენტარები პირველ შეხვედრას სამოქალაქო საზოგადოების და მედიის წარმომადგენლებთან გამართავენ და ქვეყანაში არსებულ ვითარებას გაეცნობიან. დელეგაციის შემადგენლობაში არიან "ევროპის სახალხო პარტიის" წევრები, რომლებიც 28 მაისს ევრონესტის სესიაზე მისაღებ რეზოლუციაში ვანო მერაბიშვილისა და საქართველოში შერჩევითი სამართლის შესახებ ჩანაწერის გაკეთებას ითხოვდნენ, თუმცა საკითხი ჩავარდა. თბილისში იმყოფება კშიშტოფ ლისეკი, რომელიც ციხეში ვანო მერაბიშვილთან შეხვედრას ითხოვს. ევროპარლამენტარების ვიზიტის ფარგლებში, დაგეგმილია მოლაპარაკებები პრემიერ-მინისტრ ბიძინა ივანიშვილთან და საპარლამენტო უმცირესობის წარმომადგენლებთან. ხვალ კი დელეგაციის წევრები სახალხო დამცველს, შინაგან საქმეთა, იუსტიციისა და სასჯელაღსრულების მინისტრებს შეხვდები

შეშფოთებული ვართ უკანონო გამყოფი კონსტრუქციებით - ჯეიმს აპატურაი

ჯეიმს აპატურაი თბილისში შეხვედრებს მართავს.  ჩრდილოატლანტიკური ალიანსის გენერალური მდივნის სპეციალური წარმომადგენლის სამხრეთ კავკასიასა და ცენტრალურ აზიაში უკვე შევხდა პარლამეტი თავმჯდომარეს დავით უსუფაშვილს.  საუბარი შეეხო ნატოში ინტეგრაციას და საქართველოს ოკუპირებულ ტერიტორიებზე შექმნილ ვითარებას. აპატურაის განცხადებით, ნატო შეშფოთებულია კონფლიქტის ზონებთან უკანონო გამყოფი კონსტრუქციების გადმოწევით. „ნატო-ს იგივე პოზიცა აქვს რაც ევროკავშირის მონიტორინგის მისიას და ამერიკის შეერთებულ შტატებს. ჩვენ შეშფოთებული ვართ უკანონო გამყოფი კონსტრუქციებით, რაც არსებული შეთანხმების დარღვევაა და ხელს უშლის მოსახლებას გადაადგილებაში. ჩვენ, რა თქმა უნდა, ამ ფაქტს ნეგატიურად ვაფასებთ”, -განაცხადა ჯეიმს აპატურაიმ. 

 

ნატო-ს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი თბილისში დილით ჩამოფრინიდა. როგორც აპატურაიმ თბილისის საერთშორისო აეროპორტში განაცხადა, საქართველოში ორი მიზეზის გამო იმყოფება.

 

 

" საქართველო ის ქვეყანაა, რომელსაც ყოველთვის აქვს ნატო-ს ძალიან მაღალი მხარდაჭერა, მიუხედავად იმისა, თუ რომელი მთავრობაა ხელისუფლებაში.ასე რომ, კარგი შესაძლებლობაა ვისაუბრო ალიანსზე. მეორე მიზეზი, რის გამოც აქ ვარ, არის ჩრდილოატლანტიკური საბჭოს ვიზიტის მომზადება, რომელიც დაახლოებით 3 კვირაში შედგება", - განაცხადა აპატურაიმ.

 

 

მისი თქმით, ამ ვიზიტის ფარგლებში ის შეხვდება ყველას, ვინც ჩრდილოატლანტიკურ საბჭოსთან გამართავს შეხვედრას. ესენია: პრეზიდენტი, პრემიერ-მინისტრი, საგარეო საქმეთა მინისტრი, თავდაცვის მინისტრი, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი და ეროვნული უშიშროების საბჭოს მდივანი.

 

 

"ერთ-ერთი უმთავრესი, რასაც აქ ყოფნის პერიოდში გავაკეთებ, არის ის, რომ მადლობა გადავუხდი ქართველ ხალხს ავღანეთის ოპერაციაში შეტანილი წვლილისათვის. ეს რთული პერიოდია, ახლახან დაიღუპა სამი ჯარისაკაცი და ბევრი დაშავდა. მე კიდევ ერთხელ, ნატო-ს სახელით მწუხარებას გამოვხატავ", - განაცხადა აპატურაიმ.

 

 

მე ვერ ვხედავ საქართველოს მთავრობის მოქმედებებსა და რუსეთის გადაწყევტილებებს შორის უშუალო კავშირს - მიხეილ სააკაშვილი

საქართველოს პრეზიდენტმა მიხეილ სააკაშვილმა რუსეთის მხრიდან საოკუპაციო ხაზის გადმოწევასთან დაკავშირებით განცხადება გააკეთა.  პრეზიდენტმა აღნიშნა, რომ თუ ასე გაგრძელდა საქართველო ათასობით ჰექტარზე დამატებით კონტროლს დაკარგავს.

 

„გეგმაზომიერ პროვოკაციებთან გვაქვს საქმე, არ ვადანაშაულებ ამ პროვოკაციების განხორციელებისას საქართველოს მთავრობას და მე ვერ ვხედავ საქართველოს მთავრობის მოქმედებებსა და რუსეთის გადაწყევტილებებს შორის უშუალო  კავშირს. მე მიმაჩნია, რომ რუსეთი მიყვება თავის გეგმას, საქართველოს მთავრობის საერთო პოზიცია გამართლებულია, უნდა ვიყოთ ფრთხილად და არ უნდა წამოვეგოთ რაიმე სახის პროვოკაციებს, რადგან ამ პროვოკაციებს შეიძლება საშიში შედეგი მოჰყევს “,- განაცხადა მიხეილ სააკაშვილმა.

მისივე განცხადებით, აღნიშნული პროვოკაციებით რუსეთი საქართველოს ახალი მთავრობის სიმტკიცეს ცდის. პრეზიდენტი მიიჩნევს, რომ რუსეთისთვის პრობლემა იყო საქართველოს ნებისმიერი მთავრობა, როგორც პარტნიორის და როგორც სახელმწიფოს არსებობა.

პრეზიდენტი აცხადებს, რომ დღეს „რუსეთი ზის ჩვენს ფსქილოგიურ განწყობაზე“.

ევროკავშირის სადამკვირვებლო მისია ერგნეთში გამართული შეხვედრის შესახებ ინფორმაციას აქვეყნებს

ევროკავშირის სადამკვირვებლო მისია ერგნეთში დღეს გამართული ინცდენტების პრევენციისა და მათზე რეაგირების მექანიზმის რიგით 34-ე შეხვედრის შესახებ ინფორმაციას აქვეყნებს. 
როგორც ევროკავშირის სადამკვირვებლო მისიის ოფიციალურ ვებ-გვერდზე გამოქვეყნებულ ინფორმაციაშია აღნიშნული, შეხვედრას თანათავმჯდომარეობდნენ ევროკავშირის სადამკვირვებლო მისიის ხელმძღვანელი ანდჟეი ტიშკევიჩი და ეუთოს თავმჯდომარის სპეციალური წარმომადგენელი კონფლიქტების დარეგულირების საკითში ანდრეი დეშჩიცია. 
შეხვედრის მონაწილეებმა შეშფოთება გამოთქვეს მავთულხლართების გადმოწევის და ე.წ. სამხრეთ ოსეთის რეგიონში გახშირებული დაკავებების გამო. ასევე განიხილეს ის აკრძალვები, რომლებიც ადმინისტრაციულ სასაზღვრო ზოლთან მცხოვრებლებსა და ფერმერებს გადაადგილების თავისუფლებას უზღუდავს, განსაკუთრებით აღინიშნა დიცის საკითხი. 
როგორც სადამკვირვებლო მისიის მიერ გავრცელებული პრესრელიზშია ნათქვამი, შეხვედრაზე ასევე განიხილეს ზარდიანთკარში არსებული ვითარება და გაუჩინარებულ ადამიანებთან დაკავშირებული საკითხები. შეხვედრის მონაწილეებმა კმაყოფილება გამოთქვეს ანდჟეი ტიშკევიჩის მიუკერძოებელი საქმიანობის გამო ბოლო ორი წლის განმავლობაში. დღევანდელი შეხვედრა მისი რიგით 25-ე და ბოლო შეხვედრა იყო ინციდენტების პრევენციისა და მათზე რეაგირების მექანიზმების ფარგლებში. 
ევროკავშირის სადამკვირვებლო მისიის ახალი ხელმძღვანელის ჩამოსვლამდე, შემდეგ შეხვედრებში ეუთოს წარმომადგენლებთან ერთად, შეხვედრების თანათავმჯდომარე მისიის ხელმძღვანელის ამჟამინდელი მოადგილე ჯერარდ ფიშერი იქნება. 
შეხვედრის მონაწილეები შეთნხმდნენ, რომ შემდეგი შეხვედრა 21 ივნისს გაიმართება.

ხელისუფლება შექმნილ ვითარებაზე ყველა არსებული ბერკეტის გამოყენებით რეაგირებს - ქეთევან ციხელაშვილი

რეინტეგრაციის საკითხებში სახელმწიფო მინისტრის პაატა ზაქარეიშვილის, პირველი მოადგილე ქეთევან ციხელაშვილი არასამთავრობო ორგანიზაციების წარმომადგენელებს შეხვდა. ქეთევან ციხელაშვილმა 40-მდე ორგანიზაციის წარმომადგენლებს ინფორმაცია მიაწოდა სახელმწიფო მინისტრის აპარატის საქმიანობასა და სამხრეთ ოსეთის მიმართულებით გამყოფ ხაზებზე შექმნილ ვითარებაზე, მათ შორის ბოლო დღეებში განსაკუთრებით გახშირებულ ფაქტებზე.

მინისტრის მოადგილემ აღნიშნა, რომ რუსი სამხედროების მიერ გამყოფ ხაზებზე საფორტიფიკაციო მოწყობილობების გავლება დაუშვებელია და არღვევს, როგორც საერთაშორისო შეთანხმებებსა და სამართალს, ისე ადამიანის უფლებებს.

”ხელისუფლება შექმნილ ვითარებაზე ყველა არსებული ბერკეტის გამოყენებით რეაგირებს. ერთის მხრივ, ეს არის საერთაშორისო თანამეგობრობის სრულად ინფორმირება და საკითხის მაქსიმალურად მწვავედ დაყენება, რათა ჩვენმა პარტნიორებმა მოახდინონ შესაბამისი ზეწოლა რუსეთზე. მეორეს მხრივ, ყველა შესაძლო ფორმატში, მათ შორის ინციდენტების პრევენციისა და მათზე რეაგირების მექანიზმის ფარგლებში მიმდინარე შეხვედრებზე, ასევე ჟენევის საერთშორისო დისკუსიებზე, უშუალოდ რუსული მხარისგან მკაცრად მოვითხოვთ ამ ყოვლად მიუღებელი ქმედებების შეწყვეტას და რაც მთავარია, არ უნდა დაგვავიწყდეს ის მოსახლეობა, რომელიც უშუალოდ ზარალდება ამ პროცესებით. რამდენიმე კვირაა, ამ მიმართულებით მიმდინარეობს მუშაობა და ჩვენი უწყების კოორდინირებით უკვე შეიქმნა სამუშაო ჯგუფი, რომელიც უახლოეს დღეებში ადგილზე გაეცნობა ვითარებას, რათა მაქსიმალურად სწრაფად დავსახოთ შესაბამისი ეკონომიკური და სოციალური პროგრამები”, - განაცხადა ქეთევან ციხელშვილმა.

შეგახსენებთ, რომ რუსმა მესაზღვეებმა  საოკუპაციო საზღვარი სოფელ დიცთან რამდენიმე დღის წინ გადმოსწიეს. ახალი მავთულხართები რუსმა ჯარისკაცემბა დიცში და დვანში გააბეს.

სასამართლომ ლიტველი ბიზნესმენი დარბაზიიდან გაათავისუფლა

ლიტველ ბიზნესმენს საულუს ვაიტკიავიჩუს საქალაქო სასამართლომ აღმკვეთი ღონოსძიება არ შუფარდა და დარბაზიდან გაათავისუფლა.

სასამართლომ არ დააკმაყოფილა პროკურატურის შუმადგომლობა რომელიც ბიზნესმენისთვის პატიმრობის შეფარდებას ითხოვდა.

ბრალდების მხარე ლიტველ ბიზნესმენს 2 მილიონ დოლარამდე თანხის მითვისებას ედავება, კომპანია „კავკასუს ელექტრო მარკეტისაგან“ რომლის დირექტორიც ლიტველი ბიზნესმენია.

პროკურატურა ასევე აპელირებდა იმაზე, რომ ბიზმენსმენი თბილისის აეროპორტში დაააკავეს და მას უკან დასაბრუნებელი ბილეთი არ ჰქონდა რაც ბადებდა ეჭვს, რომ იგი საქართველოში აღარ დაბრუნდებოდა. აღნიშნულის საპასუხოდ ლიტველმა ბიზნესმენმა განაცხადა, რომ ის კიევში სპორტულ ღონისძიებაზე დასასწრებად მიდიოდა და უკან დასაბრუნებელი ბილეთი იმის გამო არ ჰქონდა, რომ მოსალოდნელი ამინდის შესახებ არ ჰქონდა ინფორმაცია.

ბიზნესმენის ადვოკატებმა განაცხადეს, რომ „კავაკასუს ელექტრო მარკეტის“ საქმესთან დაკავშირებით, მიმდინარეობს სამოქალაქო დავა და აღნიშნული საკითხი სისხლის სამართლის კატოგორიას არ განეკუთვნება.

ადვოკატმა დავით კიკაიძემ აღნიშნა, რომ ეს დავა მისი კლიენტის სასარგებლოდ გადაწყვიტა საქალაქო სასამართლომ და საქმე სააპელაციო სასამართლოში გრძელდება.

ლიტველი ბიზნესმენი საულუს ვაიტკიავიჩუსი საქართველოს ბალტიის ქვეყნების სავაჭრო სამრეწველო პალატის დირექტორია.

ვაიტკიავიჩუსი ასევე საქართველოში სხვადასხვა კომპანიების წილების მფლობელია.  სავაჭრო ცენტრ „პოპულისა“ და „იოლის“ ქსელი მან ახლო წარსულში გაასხვისა. ლიტველ ბიზნესმენს სასამართლოს დასრულების შემდეგ კომენტარი არ გაუკეთებია.

რუსმა ოკუპანტებმა სოფელ დიცთან ე.წ. საზღვარი 300 მეტრით გადმოსწიეს

გორის რაიონის სოფელ დიცში ე.წ. პირობითი საზღვარი რუსმა მესაზღვრეებმა 300 მეტრით გადმოწიეს. 

 

რუსმა მესაზღვრეებმა შიდა ქართლის რამდენიმე სოფელში ე.წ . სადემარკაციო სამუშაოები დაიწყეს. ტექნიკის დახმარებით მიმდინარეობს ბოძების ჩაყრა, მოგვიანებით უკვე მავრთულხლართების გაბმის პროცესი დაიწყება. ადგილობრივები შიშობენ, რომ შეასძლოა ე.წ. საზღვრის მიღმა საკარმიდამო მიწები, ეზოები და სასაფლაოების ნაწილიც კი აღმოჩნდეს.

 შინაგან საქმეთა სამინისტრო ე.წ. საზღვრის გადმოწევის ფაქტს ადასტურებს. ანალიტიკური დეპარტამენტის წარმომადგენლის განცახდებით, ფაქტის შესახებ ყველა საერთაშორისო ორგანიზაციას შეატყობინებენ. " შსს ადასტურებს სოფელ დიცის მიმდებარე ტერიტორიაზე მავრთულხლართების ინსტალაციის ფაქტს რუსი მესაზღვრეების მხრიდან, აღნიშნულ ფაქტთან დაკავშირებით სამინისტროს პოზიცია არის ის, რომ ეს არის ყოვლად უკანონო ქმედება რუსი მესაზღვრეების მხრიდან , ამ პრობლემასთან დაკავშირებით სამიანისტრო აუცილებლად დააყენებს საკითხს 31 მაისის ინციდენტებისა და მასზე რეაგირების მექანიზმის ჯგუფის შეხვედრებზე, ივნისის ბოლოს არის ჩანიშნული ჟენევის დისკუსიები და აღნიშნულო პრობლემასთან დაკავშირებით აუცილებლად ვისაუბრებთ. სამიანისტრო ყოველ ღონეს ხმარობს, რომ მსგავსი ფაქტები მიაწოდოს საერთაშორისო ორგანოზაციებს," - განაცხადა კახა ქემოკლიძემ.

გამოკითხვა

helper DB function reports no errors

უნდა მოიხსნას თუ არა, პირბადის ტარების რეგულაცია საზოგადოებრივ ტრანსპორტში?

ხმების რაოდნობა:
ხმის მიცემა შეწყვეტილია !