იუსტიციის მინისტრი უზენაესი სასამართლოს თავმჯდომარეს საჯარო დებატებში იწვევს

თეა წულუკიანი კოტე კუბლაშვილს საჯარო დებატებში იწვევს. საქართველოს იუსტიციის მინისტრი თეა წულუკიანი გმობს მართლმსაჯულების ხელმძღვანელთა მიერ მოსამართლეთა შეცდომაში შეყვანის მცდელობას. ამის შესახებ ნათქვამია იუსტიციის სამინისტროს მიერ გავრცელებულ განცხადებაში.

"იუსტიციის მინისტრი თვლის, რომ დაუშვებელია, მოსამართლეთა გარკვეული ჯგუფების შეცდომაში შეყვანის მიზნით, გამოგონილი მიზეზებით, ორგანიზებულ ღონისძიებებზე მათი ქალაქგარეთ გაყვანა და იქ მოსამართლეთა დარწმუნების მცდელობა, რომ, თუკი ისინი იუსტიციის უმაღლესი საბჭოს დამოუკიდებელ შემადგენლობას მხარს დაუჭერენ, ამით მათ საფრთხე შეექმნებათ", -ნათქვამია განცხადებაში.

თეა წულუკიანი აცხადებს, რომ 9 ივნისი უმნიშვნელოვანესი დღეა ქართული მართლმსაჯულების ისტორიაში და იმედს გამოთქვამს, რომ მოსამართლეები თავიანთი ღირსების შესაბამისად, დემოკრატიულ და გამჭვირვალე არჩევნებს ჩაატარებენ.

იუსტიციის მინისტრი ამ და სხვა საკითხებზე უზენაესი საბჭოს თავმჯდომარე კონსტანტინე კუბლაშვილს საჯარო დებატებში იწვევს.

 

რასმუსენი - საქართველო გახდება ნატო-ს წევრი, როგორც კი გაწევრიანებისთვის შესაბამის კრიტერიუმებს დააკმაყოფილებს

საქართველოს მთავრობას მოვუწოდებთ, პატივი სცეს კანონის უზენაესობას, ადამიანისა და ეროვნული უმცირესობების უფლებებს, – ამის შესახებ ნატო-ს გენერალურმა მდივანმა, ანდერს ფოგ რასმუსენმა დღეს ბრიუსელში, ნატო-საქრთველოს კომისიის სხდომის გახსნისას განაცხადა.
ბრიუსელში ალიანსის გენერალურმა მდივანმა და საქართველოს თავდაცვის მინისტრმა, ირაკლი ალასანიამ ნატო-ს წევრი ქვეყნების თავდაცვის მინისტრებს სიტყვით მიმართეს.
"მოხარული ვარ, რომ ნატო-საქართველოს კომისიის სხდომაში მონაწილეობთ. საქართველო ნატო-ს განსაკუთრებული პარტნიორია, რომელსაც სურს ალიანსის წევრი გახდეს. საქართველოს მონაწილეობა ავღანეთში, ნატო-ს ეგიდით მიმდინარე ოპერაციაში მნიშვნელოვანია. საქართველო ISAF-ის ოპერაციაში მონაწილე ნატო-ს არაწევრ ქვეყნებს შორის უმსხვილესი კონტრიბუტორია. ჩვენ განსაკუთრებულად ვაფასებთ საქართველოს კონტრიბუციას ნატო-ს ოპერაციებში. ჩვენ მაღალ შეფასებას ვაძლევთ ქართველი სამხედრო მოსამსახურეების პროფესიონალიზმსა და სიმამაცეს, ასევე მწუხარებას გამოვხატავთ გაღებული მსხვერპლისთვის. მნიშვნელოვანია ის რეფორმებიც, რომელიც თავდაცვის სექტორში მიმდინარეობს, რაც ძალიან შთამბეჭდავია. ნატო საქართველოსთან რეფორმების განხორციელების პროცესში თანამშრომლობს, მოკავშირე ქვეყნები კი გამოხატავენ მზადყოფნას მხარი დაუჭირონ საქართველოს და მას საკუთარი გამოცდილება გაუზიარონ. 
ჩვენ ასევე, დიდი ინტერესით ვაკვირდებით საქართველოს ფარგლებში არსებულ გამოწვევებსა და განვითარების პროცესს. საქართველოს მთავრობას მოვუწოდებთ, პატივი სცეს კანონის უზენაესობას, ადამიანისა და ეროვნული უმცირესობების უფლებებს. ასევე, მოვუწოდებთ განახორციელოს ფუნდამენტური რეფორმები და ჩაატაროს თავისუფალი და სამართლიანი საპრეზიდენტო არჩევნები მიმდინარე წლის ბოლოს. ჩვენ ასევე, ურყევ მხარდაჭერას გამოვხატავთ საქართველოს ტერიტორიული მთლიანობისა და სუვერენიტეტის მიმართ, საერთაშორისო ნორმებით აღიარებულ საზღვრებში. სტაბილური და დემოკრატიული საქართველოს ადგილი ევრო-ატალნტიკურ საზოგადოებაშია. მოუთმენლად ველი, როდესაც საქართველო ალიანსის წევრი გახდება. ნატოს ბუქარესტის სამიტზე მიღებული გადაწყვეტილებები კვლავ ძალაში რჩება. საქართველო გახდება ნატო-ს წევრი, როგორც კი გაწევრიანებისთვის შესაბამის კრიტერიუმებს დააკმაყოფილებს", - განაცხადა რასმუსენმა.
ანდერს ფოგ რასმუსენის გამოსვლის ტექსტი საქართველოს თავდაცვის სამინისტრომ გაავცრელა.

პოლიტიკური კინკლაობა, ურთიერთბრალდებები ყველამ გვერდზე უნდა გადადოს და საბჭომ იმსჯელოს ქვეყნის მნიშვნელოვან თემებზე - დავით ბაქრაძე

"ნაციონალური მოძრაობის" ერთ-ერთი ლიდერი დავით ბაქრაძე  უშიშროების საბჭოს სხდომის გამართვას პოზიტიურად აფასებს. როგორც მან დღეს ჟურნალისტებთან 
განაცხადა, ამ სხდომაზე იმსჯელებენ,  რა შეიძლება გაკეთდეს საქართველოს დეოკუპაციის კუთხით. 
"ვიმსჯელებთ საოკუპაციო ხაზის გადმოწევის საკითხთან დაკავშირებით. მიუხედავად პოლიტიკური მოსაზრებისა, პოლიტიკური კინკლაობა, ურთიერთბრალდებები ყველამ გვერდზე უნდა გადადოს და საბჭომ  იმსჯელოს ქვეყნის მნიშვნელოვან თემებზე. უნდა მოხდეს მსჯელობა ქვეყნისთვის მნიშვნელოვან თემებზე", - აღნიშნა ბაქრაძემ. შეგახსენებთ, უშიშიროების საბჭოს საგანგებო სხდომა დღეს 16:00 საათზეა დაგეგმილი.

უშიშროების საბჭოს საგანგებო სხდომა პრეზიდენტის სასახლეში გაიმართება

უშიშროების საბჭოს საგანგებო სხდომა პრეზიდენტის სასახლეში გაიმართება. საქართველოს ეროვნული უშიშროების საბჭომ სხდომის მოწვევის შესახებ ოფიციალური ინფორმაცია გაავრცელა. დოკუმენტის თანახმად, უშიშროების საბჭოს საგანგებო სხდომა პრეზიდენტმა ოკუპირებულ ტერიტორიებზე შექმნილ ვითარებასთან დაკავშირებით მოიწვია. 
საბჭოს ინფორმაციით, სხდომა დღეს პრეზიდენტის სასახლეში გაიმართება და მასზე შიდა ქართლში ოკუპაციის ხაზის გადმოწევასა და ოკუპირებულ და მიმდებარე ტერიტორიებზე შექმნილ ვითარებასთან დაკავშირებულ საკითხებზე იმსჯელებენ. 
განიხილება ასევე ოკუპირებული ტერიტორიების არააღიარების პოლიტიკასთან დაკავშირებული საკითხები. 
ეროვნული უშიშროების საბჭოს საქართველოს პრეზიდენტი ხელმძღვანელობს, ხოლო მის საქმიანობას საქართველოს პრეზიდენტის თანაშემწე ეროვნული უშიშროების საკითხებში - ეროვნული უშიშროების საბჭოს მდივანი წარმართავს. საბჭოს მუდმივმოქმედი წევრები არიან - პრემიერ-მინისტრი, საგარეო საქმეთა, თავდაცვის, შინაგან საქმეთა და ფინანსთა მინისტრები და ეროვნული უშიშროების საბჭოს მდივანი. საბჭოს მუშაობაში საქართველოს პარლამენტის თავმჯდომარეც მონაწილეობს. 
დაესწრება თუ არა საქართველოს პრემიერ-მინისტრი უშიშროების საბჭოს სხდომას, ამ დროისთვის უცნობია. 
ამ ეტაპზე ასევე უცნობია, რა შემადგენლობით შეიკრიბება საბჭო. დადგენილი წესის მიხედვით, სხდომას აღმასრულებელი ხელისუფლებიდან ოთხი მინისტრი უნდა დაესწროს. აღსანიშნავია, რომ თავდაცვისა და საგარეო საქმეთა მინისტრები ქვეყანაში არ იმყოფებიან. სხდომა პრეზიდენტის სასახლეში 16:00 საათისთვის არის ჩანიშნული.

თურქეთში ანტისახელმწიფოებრივი გამოსვლები ერთდროულად რამდენიმე ქალაქში მიმდინარეობს

თურქეთის ერთ -ერთ ქალაქში მიმდინარე საპროტესტო აქციის მონაწილეებმა წუხელ იერიში პრემიერ-მინისტრის რეჯებ ტაიპ ერდოღანის რეზიდენციაზე მიიტანეს. აღნიშნული ინციდენტი ქალაქ დოლმაბახჩაში მოხდა. პოლიციამ აქციის მონაწილეების წინააღმდეგ წყლის ჭავლის მანქანები და ცრემლსადენი გაზი გამოიყენა. თავად პრემიერი რეზიდენციაში არ იმყოფებოდა.

ანტისამთავრობო გამოსვლების დროს თურქეთში 2 ადამიანი დაიღუპა – ამ ინფორმაციას ადგილობრივი მედია ავრცელებს. ქვეყნის სამხრეთით მდებარე ჰატაის პროვინციაში ცეცხლსასროლით ჭრილობები მიიღო 22 წლის ახალგაზრდამ. დაშავებული აბდულა კომერი საავადმყოფოში გადაიყვანეს, თუმცა ექიმებმა მისი გადარჩენა ვეღარ შეძლეს. თავის მხრივ პარლამენტის დეპუტატის, "სახალხო რესპუბლიკური პარტიის" წევრ ჰასან აკგოლის ცნობით, გადაცვლილი მათი პარტიის ახალგაზრდული ფრთის წევრი იყო. ასევე ვრცელდება ინფორმაცია, რომ ანტისამთავრობო გამოსვლების პირველი მსხვერპლი 20 წლის მემეტ აივალიტასია, რომელიც სტამბულში იმ დროს დაიღუპა, როდესაც ტაქსი მომიტინგეებს შეეჯახა. შემთხვევის შედეგად კიდევ 4 ადამიანი დაშავდა.  თურქეთში საპროტესტო აქციები რამდენიმე დღეა მიმდინარეობს. თურქეთის მედიკოსთა ასოციაციის ინფორმაციით, პარასკევიდან მოყოლებული ადგილობრივ საავადმყოფოებში 484 დაშავებული დემონსტრანტია მოთავსებული.  პოლიციის წარმომადგენელთა განცხადებით, ქვეყნის მასშტაბით ამ დრომდე 1 700 ადამიანია დაკავებული.

 

თურქეთში აქციის დროს დაშავებული ქართველი სტუდენტის ჯანმრთელობის მდგომარეობა დამაკმაყოფილებელია. ანკარაში საქართველოს კონსულის თორნიკე ბერეკაშვილის ინფდორმაციით, ექიმები მას რეანიმაციიდან თერაპიულ პალატაში დღეს გადაიყვანენ.

თურქეთში მიმდინარე საპროტესტო აქციების დროს 19 წლის ქართველი სტუდენტი ბიჭი დაშავდა. დაშავებული სტუდენტი კონსულმა თორნიკე ბერეკაშვილმა მოინახულა.

"როგორც თავად მითხრა, აქციის მონაწილე არ ყოფილა. მისივე განცხადებით, მას პოლიციელმა ბლაგვი საგანი დაარტყა, თუმცა ზუსტად არ ახსოვს, როგორ იყო,"- განაცხადა ბერეკაშვილმა.

ვანო მერაბიშვილს საკანში ტელევიზორი და გაზეთები ესაჭიროება - კჟიშტოფ ლისეკი

ევროპარლამენტის დელეგაციის წარმომადგენლის, პოლონელი დეპუტატის კჟიშტოფ ლისეკის ინფორმაციით ვანო მერაბიშვილს საკანში ტელევიზორი და გაზეთები ესაჭიროება. როგორც ლისეკმა ვანო მერაბიშვილთან შეხვედრის შემდეგ განაცხადა „ნაციონალური მოძრაობის“ გენერალურ მდივანს ამის კანონიერი უფლება აქვს და ამიტომ ის პირადად მიმართავს ისუტიციის მინისტრს , რომ მერაბშვბილს საკანშ ტელევიზორი და გაზეთები შეუტანონ. მისივე განცხადებით მერაბიშვილი ოპტიმისტურად არის განწყობილი და ჰგონია, რომ მალე გათავისუფლდება. ლისეკი გაკვირვებულია, რომ მას არ აქვს ოჯახის წევრებთან შეხვედრის და წერილის დაწერის საშუალება. კჟიშტოფ ლისეკის განცხადებით ვანო მერაბიშვილი ნორმალურ პირობებშია თუმცა მას სეირნობის უფლებას მხოლოდ ნახევარი საათი აძლევენ

შეგახსენებთ, რომ პოლონელი დეპუტატი სასჯელაღსრულების დაწესებულებაში 9 საათზე მივიდა.

ნაციონალური მოძრაობა რუსეთის მხრიდან საოკუპაციო ხაზის გადმოწევასთან დაკავშირებით საპარლამენტო უმრავლესობას თანამშრომლობას სთავაზობს

რუსეთის მხრიდან საოკუპაციო ხაზის გადმოწევასთან დაკავშირებით, "ნაციონალური მოძრაობა" საპარლამენტო უმრავლესობას კონსულტაციებს და თანამშრომლობას სთავაზობს.

 

 

პოლიტიკური ოპონენტებისადმი შეთავაზებებზე უმცირესობის ლიდერმა, დავით ბაქრაძემ საგანგებო ბრიფინგზე ისაუბრა. როგორც ბაქრაძემ განაცხადა, მიუხედავად ხელისუფლებასა და ოპოზიციას შორის ძალიან დიდი განსხვავებებისა, ქვეყანაში უნდა არსებობდეს თემები, რომელთა შემთხვევაშიც ყველა პოლიტიკოსს შეუძლია ერთი და იგივე პოზიციის დაკავება, ქვეყნის ინტერესებიდან გამომდინარე.

"დარწმუნებული ვარ, დეოკუპაციასთან და ქართულ-რუსულ ურთიერთობებთან დაკავშიარებული პროცესები სწორედ ასეთ თემას მიეკუთვნება. მივესალმებით ხელისუფლების მცდელობას, მოახდინოს ურთიერთობის ნორმალიზება რუსეთთან. ვფიქრობთ, რომ ამან შეიძლება, კონკრეტული სარგებელი მოუტანოს ჩვენ ხალხს, რასაც ბუნებრივია მხარს ვუჭერთ, მაგრამ ასევე მინდა პრინციპულად განვაცხადო - ნორმალიზების მცდელობა არ უნდა გადაიქცეს იმ ტიპის განცხადებებად, როგორიც ჩვენ მოვისმინეთ ზოგიერთი მინისტრის მხრიდან ამ დღეებში, რაც პრაქტიკულად ამართლებდა ოკუპაციას. საუბარი იყო იმაზე, რომ უბრალოდ რუკების დაზუსტება ხდება GPS-ებით და არაფერი ახალი და საგანგაშო არ არის. ერთი მხრივ, ჩვენ მხარს ვუჭერთ ნორმალიზებას, მეორე მხრივ კი უნდა გავაგებინოთ რუსეთის, რომ ამ საოკუპაციო ზოლის გადმოტანა, მთლიანობაში ამ ზოლის არსებობა მთელი ქართული პოლიტიკური სპექტრისთვის არის მიუღებელი", - განაცხადა დავით ბაქრაძემ.

 

 

მან საპარლამენტო უმრავლესობის მისამართით მომავალი პლენარული კვირისთვის შეთავაზებები გააკეთა.

"პირველი - ჩვენ მზად ვართ, ჩავატაროთ კონსულტაციები უმრავლესობასთან, შევაჯეროთ პოზიციები და მათთან ერთად მივიღოთ საპარლამენტო რეზოლუცია -მიმართვა ჩვენი პარტნიორი ქვეყნების პარლამენტების და საერთაშორისო საპარლამენტო ორგანიზაციების მიმართ. ეს იქნება უმცირესობის და უმრავლესობის ერთიანი და შეჯერებული პოზიცია იმასთან დაკავშირებით, რომ დაუშვებელია საქართველოს ტერიტორიების ოკუპაცია და ნებისმიერი ფორმით ე.წ. საოკუპოციო საზღვრის ხაზის გადატანა, როგორც ამას დღეს აკეთებს რუსეთი", - განაცხადა დავით ბაქრაძემ.

უმცირესობის ლიდერმა იმედი გამოთქვა, რომ უმცირესობის ინიციატივას საპარლამენტო უმრავლესობა პოზიტიურად გამოეხმაურება.

 

ნატო მიესალმება, რომ პარლამენტმა შეძლო კოჰაბიტაცია - აპატურაი

ნატო მიესალმება, რომ პარლამენტმა შეძლო კოჰაბიტაცია, - ამის შესახებ ჟურნალისტებს კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ საქართველოს პარლამენტის თავმჯდომარე დავით უსუფაშვილთან შეხვედრის შემდეგ განაცხადა.
"დავით უსუფაშვილს პირველად მაშინ შევხვდი, როცა ოპოზიციაში იყო. ახლა მინდა მივულოცო, რომ ძალიან მნიშვნელოვან როლს ასრულებს. ჩვენ განვიხილეთ ბევრი საკითხი, გვქონდა შესანიშნავი შეხვედრა. მინდა ვთქვა, რომ ნატო მიესალმება იმას, რომ პარლამენტმა შეძლო კოჰაბიტაცია. ასევე ვისაუბრეთ საქართველოში ჩრდილოატლანტიკური საბჭოს ვიზიტთან დაკავშირებით. საბჭოს გენერალურ მდივანს შეხვედრა ექნება დავით ბაქრაძესთან და დარწმუნებული ვარ, რომ კოჰაბიტაციის სურვილი მასზეც იქნება დადასტურებული", - განაცხადა ჯეიმს აპატურაიმ.
მისივე შეფასებით, საქართველოს პარლამენტმა ბოლო თვეებში არაერთი მნიშვნელოვანი გადაწყვეტილება მიიღო, რომელთა შორისაც ნატო-ს გენერალური მდივნის სპეციალურმა წარმომადგენელმა საკონსტიტუციო ცვლილებებიც დაასახელა.
"ასევე ძალიან მნიშვნელოვანია პარლამენტის მხრიდან იმის გაცხადება, რომ საგარეო კურსი და ქვეყნის ევროატლანტიკური მისწრაფებები არის უცლელი", - აღნიშნა აპატურაიმ.

თბილისს ევროპის პარლამეტის დელეგაცია სტუმრობს

თბილისში ევროპის პარლამენტის საგანგებო დელეგაცია ჩამოვიდა. ევროპარლამენტარები პირველ შეხვედრას სამოქალაქო საზოგადოების და მედიის წარმომადგენლებთან გამართავენ და ქვეყანაში არსებულ ვითარებას გაეცნობიან. დელეგაციის შემადგენლობაში არიან "ევროპის სახალხო პარტიის" წევრები, რომლებიც 28 მაისს ევრონესტის სესიაზე მისაღებ რეზოლუციაში ვანო მერაბიშვილისა და საქართველოში შერჩევითი სამართლის შესახებ ჩანაწერის გაკეთებას ითხოვდნენ, თუმცა საკითხი ჩავარდა. თბილისში იმყოფება კშიშტოფ ლისეკი, რომელიც ციხეში ვანო მერაბიშვილთან შეხვედრას ითხოვს. ევროპარლამენტარების ვიზიტის ფარგლებში, დაგეგმილია მოლაპარაკებები პრემიერ-მინისტრ ბიძინა ივანიშვილთან და საპარლამენტო უმცირესობის წარმომადგენლებთან. ხვალ კი დელეგაციის წევრები სახალხო დამცველს, შინაგან საქმეთა, იუსტიციისა და სასჯელაღსრულების მინისტრებს შეხვდები

შეშფოთებული ვართ უკანონო გამყოფი კონსტრუქციებით - ჯეიმს აპატურაი

ჯეიმს აპატურაი თბილისში შეხვედრებს მართავს.  ჩრდილოატლანტიკური ალიანსის გენერალური მდივნის სპეციალური წარმომადგენლის სამხრეთ კავკასიასა და ცენტრალურ აზიაში უკვე შევხდა პარლამეტი თავმჯდომარეს დავით უსუფაშვილს.  საუბარი შეეხო ნატოში ინტეგრაციას და საქართველოს ოკუპირებულ ტერიტორიებზე შექმნილ ვითარებას. აპატურაის განცხადებით, ნატო შეშფოთებულია კონფლიქტის ზონებთან უკანონო გამყოფი კონსტრუქციების გადმოწევით. „ნატო-ს იგივე პოზიცა აქვს რაც ევროკავშირის მონიტორინგის მისიას და ამერიკის შეერთებულ შტატებს. ჩვენ შეშფოთებული ვართ უკანონო გამყოფი კონსტრუქციებით, რაც არსებული შეთანხმების დარღვევაა და ხელს უშლის მოსახლებას გადაადგილებაში. ჩვენ, რა თქმა უნდა, ამ ფაქტს ნეგატიურად ვაფასებთ”, -განაცხადა ჯეიმს აპატურაიმ. 

 

ნატო-ს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი თბილისში დილით ჩამოფრინიდა. როგორც აპატურაიმ თბილისის საერთშორისო აეროპორტში განაცხადა, საქართველოში ორი მიზეზის გამო იმყოფება.

 

 

" საქართველო ის ქვეყანაა, რომელსაც ყოველთვის აქვს ნატო-ს ძალიან მაღალი მხარდაჭერა, მიუხედავად იმისა, თუ რომელი მთავრობაა ხელისუფლებაში.ასე რომ, კარგი შესაძლებლობაა ვისაუბრო ალიანსზე. მეორე მიზეზი, რის გამოც აქ ვარ, არის ჩრდილოატლანტიკური საბჭოს ვიზიტის მომზადება, რომელიც დაახლოებით 3 კვირაში შედგება", - განაცხადა აპატურაიმ.

 

 

მისი თქმით, ამ ვიზიტის ფარგლებში ის შეხვდება ყველას, ვინც ჩრდილოატლანტიკურ საბჭოსთან გამართავს შეხვედრას. ესენია: პრეზიდენტი, პრემიერ-მინისტრი, საგარეო საქმეთა მინისტრი, თავდაცვის მინისტრი, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი და ეროვნული უშიშროების საბჭოს მდივანი.

 

 

"ერთ-ერთი უმთავრესი, რასაც აქ ყოფნის პერიოდში გავაკეთებ, არის ის, რომ მადლობა გადავუხდი ქართველ ხალხს ავღანეთის ოპერაციაში შეტანილი წვლილისათვის. ეს რთული პერიოდია, ახლახან დაიღუპა სამი ჯარისაკაცი და ბევრი დაშავდა. მე კიდევ ერთხელ, ნატო-ს სახელით მწუხარებას გამოვხატავ", - განაცხადა აპატურაიმ.

 

 

გამოკითხვა

helper DB function reports no errors

უნდა მოიხსნას თუ არა, პირბადის ტარების რეგულაცია საზოგადოებრივ ტრანსპორტში?