ამ დრომდე დარეგისტრირებული იმ ავიადარტყმებიდან, რომლებსაც რუსეთი სირიაში ახდენს, 90% მიმართულია არა "ალ ქაედას" ან "ისლამური სახელმწიფოს", არამედ ასადის ოპოზიციის განლაგებებისკენ, - ამის შესახებ აშშ-ის სახელმწიფო დეპარტამენტის განცხადებაშია აღნიშნული.
სალვატორე სკილაჩი, ფრანკო ბარეზი, დინო ბაჯო, კლაუდიო ჯენტილე, ანჯელო დე ლივიო და იტალიური ფეხბურთის სხვა ცნობილი ვარსკვლავები 7 ოქტომბერს გროზნოში ჩავიდნენ და რუსეთის პრეზიდენტ ვლადიმირ პუტინს 63 წლის იუბილე მატჩით მიულოცეს.
გაეროს გენერალური ასამბლეის ყოფილი თავმჯდომარე დააპატიმრეს აშშ-ში, 500.000 აშშ დოლარის ქრთამის სახით აღების ბრალდებით. ჯონ ეშს ჩინელ ბიზნესმენთან გარიგებაში ადანაშაულებენ.
კიევის აეროპორტ "ბორისპოლში" დააკავეს საქართველოს მოქალაქე - მამაკაცი, რომელიც, სავარაუდოდ, უკრაინის აღმოსავლეთში მებრძოლად გეგმავდა გადასვლას და სეპარატისტულ შეიარაღებულ ფორმირებაში გაწევრიანებას აპირებდა.
ნატოს გენერალურ მდივანს დამაჯერებლად არ მიაჩნია რუსეთის განმარტებები, რომელთა თანახმადაც თურქეთის საჰაერო სივრცის დარღვევა შეცდომა იყო, რადგან ეს ორჯერ მოხდა და რამდენიმე წამზე მეტხანს გრძელდებოდა.
აშშ-ის საზღვაო ძალების ნაღმოსანი USS Porter (DDG 78) ოპერაცია Atlantic Resolve-ს ფარგლებში შავ ზღვაში შევა. ამის შესახებ აშშ-ის სამხედრო-საზღვაო ძალების მეექვსე ფლოტის ვებ-გვერდი იტყობინება.
სამშაბათს ისრაელს რუსეთის სამხედრო დელეგაცია ეწვევა, რათა ებრაულ მხარესთან განიხილოს, როგორ აიცილონ თავიდან შემთხვევითი შეტაკებები სირიაში მიმდინარე ოპერაციის დროს.
საუდის არაბეთის 53-მა რელიგიურმა ლიდერმა ხელი მოაწერა ონლაინ-პეტიციას, სადაც მოუწოდებენ მუსლიმ მორწმუნეებს, მორალური, მატერიალური და სამხედრო მხარდაჭერა გამოუცხადონ სირიის ხელისუფლების, ასევე მისი მხარდამჭერი ირანისა და რუსეთისთვის ჯიჰადის დაწყებას. ამის შესახებ "როიტერი" იტყობინება.
უკრაინის შეიარაღებული ძალების პოლკოვნიკი გორლო, რომელიც "მერსედესის" საჭესთან ნასვამი იჯდა, საპატრულო პოლიციამ ოდესაში, სამოქალაქო აქტივისტების შეტყობინების საფუძველზე დააკავა.
თურქეთი აცხადებს, რომ რუსეთის სამხედრო ავიაციის თვითმფრინავი ქვეყნის საჰაერო სივრცეში ბოლო რამდენიმე დღის განმავლობაში უკვე მეორედ გამოჩნდა. ამის შესახებ "როიტერი" იტყობინება.