"გამორიცხული არაა, მარიუპოლზე იერიში ზღვიდან დაიწყოს", - ამის შესახებ სამხედრო ექსპერტი დიმიტრი ტიმჩუკი "ფეისბუქზე" წერს.
2 სექტემბრის ღამის განმავლობაში დონეცკში რამდენიმე ადგილას ხანძარი გაჩნდა. ხანძარი საარტილერიო ცეცხლითაა გამოწვეული, რომელიც გუშინ განახლდა.
აშშ-ში ვიზიტის დროს უკრაინის პრეზიდენტი პეტრო პოროშენკო აპირებს, ЛНР-ისა და ДНР-ისთვის (ე.წ. ლუგანსკის სახალხო რესპუბლიკა და დონეცკის სახალხო რესპუბლიკა) ტერორისტული ორგანიზაციების სტატუსის მინიჭების საკითხი დასვას.
ანტიტერორისტული სპეცოპერაციის მეთაურებიდან ექვსი ოფიცერი გადააყენეს, - ამის შესახებ უკრაინის თავდაცვის მინისტრი ვალერი გელეტაი იტყობინება.
"გრომადსკოე ტვ" აქვეყნებს სიუჟეტს, რომელიც ერთი სოფლის იმ მცხოვრებლებზეა, რომელთაც ტერორისტების მძევლობაში მოუწიათ ყოფნა. რეპორტაჟი დონეცკის ოლქის სოფელ სელეზნიოვკიდან.
მას შემდეგ, რაც ილოვაისკში ჩარჩენილ უკრაინელ მებრძოლებს რუსმა სამხედროებმა და დაქირავებულმა ბოევიკებმა უსაფრთხო დერეფნით გატარების პირობა მისცეს, მერე კი მოულოდნელად, ცეცხლი გაუხსნეს, უკრაინელებთან ერთად, ტყვედ ჩავარდნილი რუსი მედესანტეებიც დაიღუპნენ.
ლვოვის რაიონის სოფელ სუშიცაში ადგილობრივი მოსახლეობა ხვდება ე.წ. "ტვირთი 200"-ს. უკრაინის ტერიტორიული მთლიანობისთვის ბრძოლაში, ლუგანსკთან, 24 აგვისტოს, ამ სოფლის მკვიდრი სტეფან პეტრივსკი დაიღუპა.
"აფხაზეთის ხმა" ავრცელებს ე.წ. ნოვოროსიის არმიის მიერ გადაღებულ ვიდეომასალას, რომლის ტირაჟირებისგან თავი შევიკავეთ დილის საათებში, როცა ვიდეო სულ ცოტა ხნის გამოქვეყნებული იყო. იქედან გამომდინარე, რომ ამ დროისთვის ტყვეების ვინაობა ოფიციალურად ცნობილია, მათი იდენტიფიკაცია არაა საფრთხის შემცველი მათი სიცოცხლისთვის.
უკრაინის ქალაქ მარიუპოლის ალყაში მოქცევისა და ქალაქიდან ჩრდილოეთით მდებარე იალტის დასახლებაში რუსი ოკუპანტებისა და ბოევიკების შესვლის ფაქტი არ დასტურდება.
უკრაინის ერთიანობისთვის მებრძოლი რამდენიმე ბატალიონისა და დანაყოფის წევრები ე.წ. ნოვოროსიის არმიის ბოევიკებმა ილოვაისკთან ტყვედ აიყვანეს. სულ ტყვედ აყვანილია 173 მებრძოლი.